انوارالعلوم (جلد 11) — Page 531
انوار العلوم جلدا ۵۳۱ بعض اہم اور ضروری امور بِسْمِ اللهِ الرَّحْمَنِ الرَّحِيمِ نَحْمَدُهُ وَنُصَلَّى عَلَى رَسُولِهِ الْكَرِيمِ بعض اہم اور ضروری امور فرموده ۲۷ دسمبر ۱۹۳۰ء بر موقع جلسه سالانه ) تشہد ، تعوذ اور سورۃ فاتحہ کی تلاوت کے بعد حضور نے اول تو اس بات پر خدا تعالیٰ کا شکر ادا کیا کہ اس نے پھر اس سنت کو پورا کرنے کی ہمیں توفیق عطا فرمائی جو اس کے مامور اور مرسل نے ہمارے لئے اللہ تعالی کے نشاء اور اشارہ سے جلسہ سالانہ کے رنگ میں قائم کی۔ اس کے بعد فرمایا :۔ ہم چونکہ اس وقت اس لئے جمع ہوئے ہیں کہ اللہ تعالی کی برکات اور اس کے فیوض حاصل کریں اس لئے ہمارا پہلا فرض یہ ہے کہ ہم دیکھیں ہمارے لئے ماضی میں کیا پیدا کیا گیا جس کی حفاظت کرنا اور جسے ترقی دینا ہمارا فرض ہے یا جسے دور کرنا ہمارے لئے ضروری ہے۔ کئی باتیں ایسی پیدا کی جاتی ہیں جن کا دور کرنا مومن کا فرض ہوتا ہے اور کئی ایسی ہوتی ہیں جن کا حاصل کرنا مومن کے فرائض میں داخل ہوتا ہے۔ اللہ تعالیٰ اپنے بندوں پر ابتلاء لاتا ہے تا کہ دیکھے کہ وہ کس طرح خدا تعالی کے افعال پر غور و تدبر کرتے ہیں۔ اللہ تعالی بڑا غیور ہے جہاں وہ کسی کا محتاج نہیں، وہاں اس میں غیرت بھی کمال درجہ کی ہے اور وہ دیکھنا چاہتا ہے کہ اس کے بندے اس کے افعال سچے عاشق کی طرح دیکھتے ہیں یا نہیں۔ ایک سچے عاشق کی کیا حالت ہوتی ہے یہ کہ ہر وقت اس کا دل چاہتا ہے کہ وہ اپنے محبوب کی حرکات دیکھتا رہے ، اس کی ہر بات پر نگاہ رکھے اور اس اس کے رنگ میں رنگین ہو جائے۔ پس سچے مومنوں کو خدا تعالی کے افعال پر نگاہ رکھنی چاہئے اور دیکھنا چاہئے کہ خدا تعالیٰ کن امور میں انہیں ہوشیار کرنا چاہتا ہے اور کن میں آگے بڑھانا چاہتا ہے۔