حضرت مفتی محمد صادق صاحب کی زندگی للہی صدق و وفا کے جہاں عشق میں گزری،حضرت حکیم مولوی نورالدین صاحب کے شاگرد اور حضرت مسیح موعود علیہ السلام کے اس مقتدر رفیق کے احوال زندگی پر یہ پہلی سیر حاصل کتا ب ہے۔ فاضل مصنفہ نے اس کتاب میں ان ساری خوبیوں کا تفصیل سے ذکر کیا ہے جن کی بدولت اللہ تعالیٰ نے حضرت مفتی صاحب کو حضرت اقدس علیہ السلام کی پیاری نگاہوں کے پیار کے قابل بنادیا۔ حضرت مفتی صاحب کی تبلیغی ، تحقیقی، علمی اور ادبی خدمات ہمیشہ سنہری حروف سے لکھی جائیں گی۔