حضرت سیدہ نصرت جہاں بیگم صاحبہ حضرت مسیح موعود علیہ السلام کی زوجہ محترمہ جو ایک مبارک نسل کی ماں بنیں، اور حضرت مسیح موعود علیہ السلام کے مقام و مرتبہ کی بدولت آپؑ کے تمام ماننے والوں کی ماں کہلائیں۔ حضرت اماں جان رضی اللہ عنھا کی سیرت و سوانح پر مشتمل یہ کتاب صاجزادی امت الشکور صاحبہ بنت حضرت مرزا ناصر احمد صاحب خلیفہ المسیح الثالث رحمہ اللہ نے تصنیف فرمائی۔ اس کتاب کی اہمیت اس پہلو سے مزید بڑھ جاتی ہے کہ اس کے ابتدائی مسودہ کے بعض حصوں کو حضرت خلیفۃ المسیح الثالث ؒ اور حضرت سیدہ منصورہ بیگم صاحبہ نے بھی ملاحظہ فرمایاتھا۔