ذکر حبیب — Page 294
294 دریافت کریں کہ کیا یہ سچ ہے کہ کس قدر قیمت پر بیچتا ہے۔والسلام مرزا غلام احمد عفی عنہ اَلسَّلامُ عَلَيْكُمْ وَرَحْمَةُ اللهِ وَبَرَكَاتُهُ - آپ کی اس تحریر سے کچھ معلوم نہیں ہوتا کہ بہ نسبت سابق بخار میں کچھ تخفیف ہے یا زیادہ ہے۔یا بدستور ہے۔کیونکہ اگر بہ نسبت سابق ایک ذرہ بھی تخفیف ہو تو آپ گولی کھا لیں اور اگر بہ نسبت سابق گولی کھانے سے زیادہ ہو۔تو گولی نہیں کھانی چاہئیے اور اگر حالت بدستور ہو تو گولی کھالیں۔اول اطلاع دیں۔تا اگر مناسب ہو تو گولی بھیج دوں۔والسلام خط نمبر ۴۲ مرزا غلام احمد عفی عنہ مِ اللهِ الرَّحْمَنِ الرَّحِيمِ * نَحْمَدُهُ وَ نُصَلِّي عَلَى رَسُولِهِ الْكَرِيمِ حضرت مرشد نا و مهدین مسیح موعود مہدی معہود اَلسَّلَامُ عَلَيْكُمْ وَرَحْمَةُ اللهِ وَبَرَكَانَهُ - حسب الحکم میاں محمود احمد۔سب کے واسطے اُستاد کی تجویز کی گئی ہے۔رات کو بخار رہا۔مولوی صاحب کے فرمانے پر کونین اور حضور والی گولی کھائی ہے۔دعا۔دعا۔دعا۔آج رات میں نے خواب میں دیکھا۔کہ ایک دیوانہ آدمی میرے پیچھے دوڑا۔میں بھا گا مگر اُس نے مجھے پکڑ لیا۔میرے ہاتھ میں ایک لمبی چھڑی ہے۔جس کے ساتھ میں اُسے مارتا ہوں پر وہ نہیں چھوڑتا۔پھر میں کیا دیکھتا ہوں کہ وہی دیوانہ مرغی بن گیا۔اور میری چھڑی چاقو بن گئی ہے۔میں نے چاقو اس مرغی کے گلے پر مارا۔تو وہ مرگئی اور میں چلا آیا۔والسلام حضور کی جوتیوں کا غلام عاجز محمد صادق عفا اللہ عنہ ۱۲ ؍ جنوری ۱۹۰۵ء السَّلَامُ عَلَيْكُمْ وَرَحْمَةُ اللهِ وَبَرَكَاتَهُ۔دعا بر ابر کرتا ہوں۔انشاء اللہ خدا تعالیٰ شفا دے گا اور خواب نہایت عمدہ ہے۔یہ صریح شفا پر دلالت کرتی ہے۔بہت خوب ہے۔والسلام مرزا غلام احمد عفی عنہ