تحریک جدید ۔ ایک الٰہی تحریک (جلد ہفتم۔ 1985 تا 1987) — Page 343
تحریک جدید - ایک الہی تحریک وو اقتباس از خطبه جمعه فرموده 25 اپریل 1986ء آپ نے نئی زمین اور نئے آسمان کے لئے کوشش کرنی ہے خطبہ جمعہ فرمودہ 25 اپریل 1986ء جماعت احمدیہ کے اوپر بھاری ذمہ داری ہے۔قرآن کریم کا پیغام آپ کو یہ ہے کہ آپ نے نئی زمین اور نئے آسمان کے لئے کوشش کرنی ہے۔آپ ہر گز کسی انقلاب سے راضی نہ ہوں، جو دنیا کے حالات بدلانے والا انقلاب نہ ہو، جو ان کی دنیاوی زندگی میں بھی تبدیلی پیدا نہ کر سکے اور جوان کی روحانی زندگی میں بھی تبدیلی پیدا نہ کر سکے۔اس انقلاب پر مومن راضی ہو جائیں اور مومن خوش ہو جائیں یہ کیسے ممکن ہے؟ ایسے چھوٹے اور سطحی اور پست خیالات والوں کا رب عظیم سے کوئی تعلق نہیں ہوتا ، رب اعلیٰ سے ان کا کوئی تعلق نہیں ہوتا۔اس لئے مومنوں کی جماعت کو ان حالات پر نظر ڈال کر عبرت حاصل کرنی چاہیے۔اور وہ عزائم پہلے سے زیادہ بلند کرنے چاہئیں، ہمتیں پہلے سے زیادہ مضبوط کرنی چاہئیں، ان ارادوں میں مزید قوت پیدا کرنی چاہیے، اپنے عمل کی طاقت کو بڑھانا چاہیے، جن کے ذریعہ دنیا میں دائی اور حقیقی انقلاب بر پاکئے جاتے ہیں۔ان غربتوں کا علاج بھی جماعت احمدیہ کے پاس ہے اور جماعت احمدیہ ہی کے ذریعہ ہوگا۔ان نا انصافیوں کا علاج بھی جماعت احمدیہ ہی کے پاس ہے اور جماعت احمدیہ کے ذریعہ ہوگا۔ان کی روحانی بدحالی اور بے راہ روی کا علاج بھی جماعت احمدیہ ہی کے پاس ہے اور جماعت احمدیہ کے ذریعہ ہوگا۔اس لئے ان عظیم کاموں کے لئے اپنے آپ کو تیار کریں۔یہ عبرت ہے، جو ان حالات سے حاصل کی جاتی ہے۔اور نئے زمین و آسمان کے لئے کوشش بھی کریں اور دعائیں بھی کریں۔اور اپنے زمین و آسمان تو ضرور بدلیں۔کیونکہ اگر آپ کے زمین و آسمان نہ بدلے گئے تو آپ نے دنیا کے زمین و آسمان کیسے تبدیل کرتے ہیں؟ انقلابی روحانی تبدیلیوں کا تقاضا کر رہا ہے، یہ دور۔ایسی تبدیلیاں کہ جماعت کے اندرونی حالات، دنیاوی حالات بھی درست ہو جائیں اور بیرونی حالات اور روحانی حالات بھی درست ہو جائیں۔میں جب بار بار زور دیتا ہوں عائلی جھگڑوں کو مٹانے کے لئے ، آپس میں محبت کا ماحول پیدا کرنے کے لئے ، مالی لحاظ سے اپنی دیانت داری کے معیار کو بڑھانے کے لئے ، اپنے تقویٰ کے معیار کو 343