تحریک جدید ۔ ایک الٰہی تحریک (جلد ششم۔ 1982 تا 1984) — Page 938
اقتباس از خطبه جمعه فرموده 09 نومبر 1984ء تحریک جدید - ایک الہبی تحریک اس بھرے پاکستان میں اور کسی کو خیال نہیں آسکتا، تم احمدی تو نہیں ؟ تمہارے دل پر بیتی ہے اور کسی اور کے دل پر نہیں بیتی ہم نے ہمارا دکھ محسوس کیا اور کسی اور نے محسوس نہیں کیا۔ہم تمہاری پیشانیوں سے پہچانتے ہیں، تم چھپاؤ، جو چاہو کرو، ہمیں پتہ لگ گیا ہے کہ تم کون ہو؟ چنانچہ مجبوراً پھر ان کو بتانا پڑا۔تو جس قوم نے مظالم کی حد کر دی تھی ، جب اس کو تکلیف پہنچتی ہے یا آئندہ پہنچے گی تو تب بھی انشاء اللہ تعالیٰ جماعت احمدیہ پیش پیش ہوگی اور جہاں تک جیبوں کا تعلق ہے، یہ نہ میں نے بھری تھیں، نہ آپ نے بھری ہیں۔یہ اللہ تعالیٰ عطا کرنے والا ہے اور اپنی راہ میں خرچ کرنے والوں کا نقشہ یہ کھینچا ہے:۔وَمِمَّا رَزَقْنَهُمْ يُنْفِقُونَ ہم نے جو ان کو عطا کیا ، اس سے وہ خرچ کرتے چلے جاتے ہیں۔اور جتنا وہ خرچ کرتے۔جاتے ہیں، ہم عطا کرتے چلے جاتے ہیں۔یعنی ایک سلسبیل ہے، ایک جاری سلسلہ ہے، جو کبھی ختم نہیں ہو سکتا۔ایک طرف سے پانی بہہ رہا ہے لیکن بہنے کے سوراخ تو چھوٹے ہیں کیونکہ انسانی ہاتھوں کے بنائے ہوئے ہیں، ایک طرف سے پانی آ رہا ہے اور وہ آسمان کا سوراخ ہے، جو خدا کے ہاتھوں کا بنایا ہوا ہے۔اس لئے ناممکن ہے کہ آنے والی راہ نکلنے والی راہ سے چھوٹی ہو جائے۔ایک جاری مضمون ہے، وَمِمَّا رَزَقْنَهُمْ يُنْفِقُونَ ہمیشہ ایسا ہوتا چلا جاتا ہے۔پس جماعت احمدیہ کو تو اس بات کا کوئی خوف نہیں، جتنی توفیق ہوگی ، ہم اتنا ضرور دیں گے۔اور صرف یہی نہیں کریں گے کہ آج کی ضرورت پوری کرنے کی کوشش کریں بلکہ جس طرح ہم نے افریقہ میں پہلے سے ہی پروگرام شروع کر دیا ہے، ان کو اپنے پاؤں پر کھڑا کرنے کی ہم نے جو کوشش کرنی ہے، یہ آتے ہیں اور فقیروں کی طرح تقسیم کر کے چلے جاتے ہیں۔اور یہ نہیں دیکھتے کہ ان کو زراعت میں تعلیم دینے کی ضرورت ہے، ان کو زراعت میں خود کفیل کرنے کی ضرورت ہے، اس معاملہ میں وہ بالکل بے خبر، بے پرواہ ہوتے ہیں۔تا کہ وہ قومیں ہماری محتاج رہیں اور جب احتیاج ہو تو پھر ہماری طرف دوڑیں۔ہم نے افریقہ میں ایک سکیم شروع کی تھی اللہ کے فضل سے بہت کامیاب رہی۔اور ساری قوم نے اس کو امید کی نظروں سے دیکھنا شروع کر دیا ہے۔ایک ہزارا ایکٹر کا فارم لے کر اگر چہ پہلے سال شدید نقصان ہوا لیکن میں نے ان سے کہا کہ اب جاری رکھیں، کوئی پرواہ نہیں ہے۔اللہ تعالیٰ کی خاطر ہم کر رہے ہیں، وہ خود فضل کرے گا۔چنانچہ اس دفعہ رپورٹ یہ آئی ہے کہ خدا تعالیٰ کے فضل سے ہر فصل بہت ہی اچھی ہوئی ہے اور نہایت کامیاب تجربہ رہا ہے۔938