تحریک جدید ۔ ایک الٰہی تحریک (جلد ششم۔ 1982 تا 1984) — Page 485
تحریک جدید - ایک الہی تحریک پیغام بر موقع سالانہ اجتماع مجلس خدام الاحمدیہ برطانیہ دنیا کی عارضی اور بے کیف لذات سے اپنے دامن کو آلودہ نہ ہونے دیں پیغام بر موقع سالانہ اجتماع مجلس خدام الاحمدیہ برطانیہ منعقدہ 7, 6 اگست 1983ء الله الرحمان الرحيم نحمده ونصلى على رسوله الكريم خدا کے فضل اور رحم کے ساتھ هو الناصر میرے عزیز خدام واطفال! السلام عليكم ورحمة الله وبركاته مجھے یہ معلوم کر کے بہت خوشی ہوئی ہے کہ کہ مجالس خدام الاحمدیہ اور مجالس اطفال الاحمدیہ برطانیہ 6 اور 7 اگست کو ہانسلو میں اپنا نواں اجتماع منعقد کر رہی ہے۔خدا تعالیٰ اس اجتماع کو بہت برکت بخشے اور آپ سب کو ، جو اس میں شامل ہو رہے ہیں، یہ توفیق عطا فرمائے کہ آپ اس سے زیادہ سے زیادہ استفادہ کر سکیں۔مجھے امید ہے کہ اجتماع کے ان بابرکت ایام میں آپ دعاؤں پر بہت زور دیں گے اور خدا تعالی کی مدد اور نصرت کے طالب ہوں گے۔اس موقع پر میں برطانیہ میں بسنے والے تمام خدام اور اطفال کو اس طرف توجہ دلانا چاہتا ہوں کہ خالص اور حقیقی اسلام ایک بہت بڑی آسمانی دولت اور عظیم نعمت ہے۔ہم خوش نصیب ہیں کہ خدا تعالیٰ نے بغیر ہمارے کسی استحقاق کے ہمیں اس عظیم آسمانی نعمت سے بہرہ ور ہونے کا موقع عطا فرمایا ہے۔خدا تعالیٰ ہمیں یہ توفیق بھی بخشے کہ ہم اپنے رب کے اس عظیم احسان کا شکر بجالا سکیں اور اپنی زندگیوں میں قرآنی تعلیمات کو جاری کر کے دائمی خوشحالی اور ابدی نجات کے وارث ہو سکیں۔دین اسلام کا مقصد کیا ہے؟ یہی کہ ہم اپنے خالق و مالک جی و قیوم اور قادر و تو انا خدا کی شناخت کر لیں اور اس سے ایک زندہ اور زندگی بخش تعلق قائم کریں کہ یہی ہماری زندگی کا مقصود اور منتہا اور یہی ہماری پیدائش کی اصل غرض و غایت ہے۔یہی وہ رشتہ ہے، جسے جوڑنے کے لئے تمام مذاہب دنیا میں قائم 485