تحریک جدید ۔ ایک الٰہی تحریک (جلد چہارم ۔ 1965ء تا 1973ء) — Page 318
خطبہ جمعہ فرمودہ 27 اکتوبر 1967ء تحریک جدید - ایک الہی تحریک۔۔۔۔جلد چہارم سکتا ہے اور ہر ایک کے دل میں یہ خواہش ہے کہ خدا ایسا کرے کہ ہم زندگیوں میں اسلام کو ساری دنیا میں غالب ہوتا دیکھ لیں۔پس قبل اس کے کہ وہ دن آئے ، جس دن خرید و فروخت بھی فائدہ نہیں دیتی، کسی دوست کی دوستی فائدہ نہیں پہنچاتی ، کوئی شفاعت کرنے والا پاس نہیں آتا۔ایسے آدمی کے پاس نہیں آتا ، جس نے اللہ کے ہاتھ میں ہاتھ دے کر اس سے یہ وعدہ کیا ہو کہ ہم دین کو دنیا پر مقدم رکھیں گے۔لیکن جب دین کی آواز اٹھے تو وہ کہے کہ دنیا کے دھندوں میں پھنسے ہوئے ہیں، دین کی ضرورتوں کو کیسے پورا کریں؟ ایسے لوگوں کو اس دن نہ کوئی سودا نفع دے سکتا ہے، نہ کوئی دوستی نفع پہنچاسکتی ہے، نہ کوئی شفاعت کرنے والا انہیں میسر آ سکتا ہے۔جیسا کہ بڑی وضاحت سے اللہ تعالیٰ نے بیان کیا ہے۔اس دن سے قبل اپنے رب کی رضا کو ڈھونڈتے ہوئے اور اس کو پانے کے لئے ان قربانیوں کو ، اس کے قدموں پہ جا کر لا کھو کہ جن کا وہ آج مطالبہ کر رہا ہے، جن کا مطالبہ آج وقت کی ضرورت کر رہی ہے، جن کا مطالبہ آج یورپین اور دوسری دنیا کی اقوام کے حالات کر رہے ہیں۔اگلے پچھیں تمہیں سال کے اندر ہمیں انتہائی کوشش کرنی چاہیے کہ ہم ان دلوں کو ، جن میں مسیح علیہ السلام کی محبت ختم ہو چکی ہے، اپنے رب کے لئے جیت لیں اور پھر خدا کرے کہ ہمارے سکھانے سے اور بتانے سے انہیں اللہ تعالیٰ کا عرفان اور معرفت حاصل ہو۔اور ان دلوں میں اللہ تعالیٰ کی محبت پیدا ہو جائے۔تب خدا ہمیں بڑے پیار سے یہ کہے کہ یہ میرے پیارے بندے ہیں۔جنہوں نے دنیا کی ہر مصیبت اٹھا کر ہر قربانی دے کر ان اقوام کے دلوں میں میری محبت کو پیدا کیا تھا۔میں سب سے زیادہ ان سے محبت کروں گا۔اللہ کرے کہ ایسا ہی ہو۔( مطبوعہ روزنامه الفضل 03 نومبر 1967ء) 318