تاریخ احمدیت (جلد 1) — Page 49
تاریخ احمدیت۔جلدا ۴۸ ولادت بچپن اور تعلیم باب سوم حضرت بانی سلسلہ احمدیہ کی ولادت مبارک پاکیزہ بچپن اور دور تعلیم (۶۱۸۵۳-۶۱۸۳۵) بانی سلسلہ احمدیہ سید نا حضرت اقدس مرزا غلام احمد قادیانی علیہ الصلوۃ والسلام حضرت چراغ بی بی کے بطن مبارک سے ۱۴- شوال ۱۲۵۰ھ بمطابق ۱۳ فروری ۱۸۳۵ء (بروز جمعہ طلوع فجر کے ۱ حضرت مسیح موعود علیہ السلام کی تاریخ پیدائش کی تحسین کے سلسلہ میں حضرت مرزا بشیر احمد صاحب تحریر فرماتے ہیں۔حضرت مسیح موعود علیہ الصلوۃ والسلام کی تاریخ پیدائش اور عمر بوقت وفات کا سوال ایک عرصے سے زیر غور چلا آتا ہے۔حضرت مسیح موعود علیہ الصلوۃ والسلام نے تصریح فرمائی ہے۔کہ حضور کی تاریخ پیدائش معین صورت میں محفوظ نہیں ہے۔اور آپ کی عمر کا صحیح اندازہ معلوم نہیں (ضمیمہ براہین احمدیہ حصہ پنجم صفحہ ۱۹۳) کیونکہ آپ کی پیدائش سکھوں کی حکومت کے زمانہ میں ہوئی تھی۔جبکہ پیدائشوں کا کوئی ریکارڈ نہیں رکھا جاتا تھا۔البتہ حضرت مسیح موعود علیہ الصلوۃ والسلام نے بعض ایسے امور بیان فرمائے ہیں جن سے ایک حد تک آپ کی عمر کی تحسین کی جاتی رہی ہے۔ان اندازوں میں سے بعض اندازوں کے لحاظ سے آپ کی پیدائش کا سال ۱۸۴۰ء بنتا ہے۔اور بعض کے لحاظ سے ۱۸۳۱ء تک پہنچتا ہے۔اور اسی لئے یہ سوال ابھی تک زیر بحث چلا آیا ہے صحیح تاریخ پیدائش کیا ہے ؟۔میں نے اس معاملہ میں کئی جہت سے غور کیا ہے۔اور اپنے اندازوں کو سیرۃ المہدی کے مختلف حصوں میں بیان کیا ہے۔لیکن حق یہ ہے۔کہ گو مجھے یہ خیال غالب رہا ہے کہ حضرت مسیح موعود علیہ الصلوۃ والسلام کی پیدائش کا سال ۱۸۳۶ء عیسوی یا اس کے قریب قریب ہے۔مگر ابھی تک کوئی معین تاریخ معلوم نہیں کی جاسکی تھی۔لیکن اب بعض حوالے اور بعض روایات ایسی ملی ہیں۔جین یقینی طور پر معین تاریخ کا پتہ لگ گیا ہے۔جو بروز جمعہ ۱۴ شوال ۱۲۵۰ ہجری مطابق ۱۳- فروری ۱۸۳۵ء عیسوی مطابق یکم پھاگن ۱۸۹۱ بکرمی ہے۔اس تعیین کی وجوہ یہ ہیں: - حضرت مسیح موعود علیہ الصلوۃ والسلام نے تعیین اور تصریح کے ساتھ لکھا ہے جس میں کسی غلطی یا غلط فہمی کی گنجائش نہیں۔کہ میری پیدائش جمعہ کے دن چاند کی چودھویں تاریخ کو ہوئی تھی (دیکھو تحفہ گولڑو یہ بار اول صفحہ ۱۰ حاشیه) ۲- ایک زبانی روایت کے ذریعہ جو تھے مکرمی مفتی محمد صادق صاحب کے واسطہ سے پہنچی ہے۔اور جو مفتی صاحب موصوف نے اپنے پاس لکھ کر محفوظ کی ہوئی ہے معلوم ہوتا ہے کہ حضرت مسیح موعود علیہ الصلوۃ والسلام نے ایک دفعہ فرمایا تھا۔کہ ہندی مہینوں کے لحاظ سے میری پیدائش بھا گن کے مہینہ میں ہوئی تھی۔-۳ مندرجہ بالا تاریخ حضرت مسیح موعود علیہ الصلوۃ والسلام کے دوسرے متعدد بیانات سے بھی قریب ترین مطابقت رکھتی ہے۔مثلا یہ کہ آپ ٹھیک ۱۲۹۰ھ میں شرف مکالمہ مخاطبہ الہیہ سے مشرف ہوئے تھے (حقیقتہ الوحی صفحہ ۱۹۹) اور اس وقت آپ کی عمر چالیس سال کی تھی۔( تریاق القلوب صفحہ ۶۸) وغیرہ وغیرہ۔میں نے گزشتہ جنتریوں کا بغور مطالعہ کیا ہے۔اور دوسروں سے بھی کرایا ہے۔تاکہ یہ معلوم ہو سکے کہ پھاگن کے مہینے میں جمعہ کا دن اور چاند کی چودھویں تاریخ کس کس سن میں اکٹھے ہوتے ہیں۔اس تحقیق سے یہی ثابت ہوا ہے کہ حضرت مسیح موعود علیہ الصلوۃ والسلام ↓