تاریخ احمدیت بھارت (جلد ۱) — Page 242
تاریخ احمدیت بھارت 213 جلد اول دوسرے محلے قادر آباد کے مسلمانوں کو گرفتار کیا۔ان کے ہاتھ پیچھے کی طرف باندھ دیئے۔فائر کئے انہیں لاٹھیوں سے زدوکوب کیا اور۔۔۔۔تھانیدار نے انہیں گالیاں دیں کہ بد معاشو یہاں سے نکل جاؤ تم کیوں نہیں نکلتے۔پھر ملٹری نے بھی وہاں پہنچ کر پولیس کی حمایت کی۔پنڈت جواہر لال نہرو اور اس کی نام نہاد حکومت کہاں ہے جو کہتی تھی کہ زبردستی کسی کو نہیں نکالا جائے گا۔کیا اس نے قادیان کی طرف سے آنکھیں بند کر لی ہیں؟ پھر۔۔۔۔مفسدہ پرداز ) محلہ دارالسعتہ کی طرف بڑھے اور اسے لوٹنا شروع کر دیا۔اہل قادیان نے فوراً ملٹری کو توجہ دلائی کہ تم ہماری حفاظت کے لئے آئے ہو۔دیکھو یہ کیا ہو رہا ہے؟ مگر ملٹری کے سپاہی اس وقت والی بال کھیل رہے تھے۔انہوں نے کہا کہ چلے جاؤ ہم کچھ نہیں کر سکتے۔پھر پانچ نہتے لڑکے دار السعتہ کی طرف بڑھے اور انہوں نے۔۔۔۔(مفسدہ پردازوں) کو بھگا دیا۔۔۔۔۔مفسدہ پرداز ) ہزاروں کی تعداد میں قادیان کی خالص مسلم آبادی کی گلیوں میں تلواریں برچھیاں اور دیسی ساخت کی بندوقیں لے کر پھرتے اور جب ملٹری اور پولیس سے کہا جاتا۔ان لوگوں کا یہاں کیا کام ہے تو جواب ملتا ہے ہم شریف آدمیوں کو چلنے پھرنے سے کیونکر روک سکتے ہیں اور ادھر اگر کسی مسلمان کے پاس کوئی سونا یا چاقو یا غلیل ہوتی ہے تو وہ بھی چھین لی جاتی ہے اور کہا جاتا ہے کہ تم ہر اس پھیلاتے ہو۔گویا اس وقت ہر۔۔۔غنڈہ اور لٹیرا ایک شریف آدمی ہے اور ہر مسلمان شریف آدمی غنڈہ ہے۔۔۔۔(مفسدہ پرداز) مسلم پناہ گیروں کے مال اور مویشی زبردستی اٹھا لیتے ہیں اور مسلمانوں کی کوئی شنوائی نہیں ہوتی۔ملٹری کے۔۔۔(غیر مسلم ) کیپٹن نے۔۔۔تھانیدار کے ساتھ مل کر یہ سازش کی کہ کسی طرح مسلم پناہ گیروں کو قادیان سے باہر لے جا کر ہلاک کیا جائے۔چنانچہ انہوں نے سکیم بنائی کہ ان کو قافلہ کی صورت میں بٹالہ کی طرف ہانکا جائے اور راستہ میں تہ تیغ کیا جائے۔کیپٹن نے اعلان کروایا کہ قادیان سے قافلہ جائے گا اور تمام پناہ گیروں کو قادیان سے نکال دیا جائے گا۔جو رہ جائے گا ہم اس کی حفاظت کے ضامن نہیں۔ادھر۔۔۔تھانیدار جیپ کار پر سوار ہو کر تمام۔۔۔دیہات میں گھوم آیا اور۔۔۔۔(مفسدہ پردازوں) کو مطلع کر دیا کہ قافلہ آنے والا ہے۔تیار ہو جاؤ کوئی بیچ کر نہ جانے پائے۔اہل قادیان نے اس قافلہ کی مخالفت کی اور کہا کہ ہم۔۔۔(غیر مسلم ) ملٹری کی حفاظت میں قافلہ روانہ نہیں ہونے دیں