تحقیقِ عارفانہ — Page 362
پس کوئی معترض یہ جرات نہیں رکھتا کہ یہ کہہ سکے کہ اس پیشگوئی کے بارہ میں حضرت اقدس کا کوئی الہام جھوٹا نکلا۔سلطان محمد صاحب کی توبہ کا ثبوت اس بات کا ثبوت کہ سلطان محمد تو بہ کر چکے تھے اور پیشگوئی کے مصدق تھے اور اس کی تصدیق پر حضرت مسیح موعود کی زندگی تک قائم رہے یہ ہے کہ حضرت اقدس کے انجام آتھم میں مذکورہ بالا چیلنج شائع کرنے پر آریوں اور عیسائیوں میں سے بعض لوگ مرزا سلطان محمد صاحب کے پاس پہنچے اور انہیں لاکھ لاکھ روپیہ دینے کا وعدہ کیا تاوہ حضرت اقدس پر نالش کر دیں۔لیکن جیسا کہ ان کے انٹرویو سے ظاہر ہے۔چونکہ وہ توبہ کر چکے تھے اور پیشگوئی کی صداقت کے قائل تھے اس لئے وہ اس گراں بہا لالچ دیئے جانے پر بھی کسی قسم کی بے باکی اور شوخی کیلئے تیار نہ ہوئے۔مرزا سلطان محمد صاحب کا انٹرویو محترم حافظ جمال احمد صاحب فاضل مبلغ سلسلہ احمدیہ نے ایک دفعہ مرزا سلطان محمد صاحب خاوند محمدی بیگم صاحبہ کا انٹرویو لیا جو اخبار الفضل ۱۳/ ۹ جون ۱۹۳۱ میں مرزا سلطان محمد کے زمانہ حیات میں ہی ” مر زا سلطان محمد کا ایک انٹرویو “ کے عنوان سے شائع ہوا ہے۔حافظ جمال احمد صاحب لکھتے ہیں :۔میں نے مرزا سلطان محمد سے کہا اگر آپ برا نہ مانیں تو میں حضرت مرزا صاحب کی نکاح والی پیشگوئی کے متعلق کچھ دریافت کرنا چاہتا ہوں۔جس کے جواب میں انہوں نے کہا آپ خوشی بڑی آزادی سے دریافت کریں۔“ اس انٹرویو میں مرزا سلطان محمد صاحب نے کہا :۔میرے خسر مرزا احمد بیگ صاحب واقعہ میں مین پیشگوئی کے مطابق فوت