سلسلہ احمدیہ — Page 716
716 مظلوم قوموں کی محبت میں آپ کو یہ بتا رہا ہوں۔آپ کو اپنے طرز معیشت میں ایک بنیادی تبدیلی پیدا کرنی ہوگی۔جماعت احمد یہ ایک امن پسند جماعت ہے اور یقین رکھتی ہے کہ سچائی کو پھیلانے کے لئے امن کی فضا ضروری ہے اس لئے ہر وہ خطرہ جو کسی ملک یا کسی خطہ ارض کے امن کو خطرہ ہو وہ در حقیقت مذہب کی قدروں کے لئے بھی خطرہ بن جاتا ہے اور امن کی فضا کو جو چیز بھی مکذر کرے اور برباد کرے وہ مذہبی اقدار کے لئے بھی شدید نقصان دہ ہوتی ہے۔اس لئے مستقبل کے بعض خطرات کو بھانپنے کی وجہ سے میں یہ باتیں کر رہا ہوں اور ان کے نتیجہ میں آپ کی خدمت میں کچھ مشورے رکھنا چاہتا ہوں۔اس صورت حال کے نتیجہ میں جو خطرات مجھے دکھائی دے رہے ہیں وہ میں آپ کے سامنے بالکل اختصار کے ساتھ پیش کرنا چاہتا ہوں۔“ آپ نے فرمایا: 3 سب سے پہلے موجودہ رجحان یعنی ایک طبقہ کا دن بدن مغربی اقدار میں رنگین ہوتے کادن اقدارمیں رنگین چلے جانا اور بھی زیادہ خطرات پیدا کرنے کا موجب بنے گا۔یہ طرز زندگی بہت مہنگی ہے۔غریب ملک اس طرز زندگی کو قبول کرنے کے متحمل نہیں ہو سکتے۔ان کو خدا نے ابھی استطاعت نہیں بخشی اور آپ کی غریب حکومتیں اپنے عہدیداروں کو ، حکومت کے کارندوں کو زیادہ تنخواہیں نہیں دے سکتی اس لیے کہ ایک طرف ان کے Taste بلند ہونا شروع ہو جائیں گے۔ایک طرف ان کے ذوق اونچے ہو جائیں گے۔ان کی طلب بڑھ جائے گی۔ٹیلی ویژن دیکھ دیکھ کر نئی نئی چیزیں بھی ان کو نظر آئیں گی کہ یہ بھی ہمارے گھر میں ہونی چاہئیں، یہ بھی ہمارے گھر میں ہونی چاہئیں۔دوسری طرف ملک کی غربت ان کی تنخواہوں میں اضافہ نہیں کر سکے گی۔ایسی صور تحال لازما کرپشن پر منتج ہوتی ہے اور ایسی حکومتیں پھر دن بدن زیادہ سے زیادہ کرپٹ اور رشوت ستانی کا شکار ہوتی چلی جاتی ہیں۔حکومت کے ملازم ہوں یا سیاسی راہنما جو ان ملازموں کے افسر ہیں جب وہ کرپٹ ہو جاتے ہیں تو وہ صرف اپنے ملک کے باشندوں سے رشوت وصول نہیں کرتے بلکہ غیر قوموں سے رشوت وصول کرنے کے لیے تیار ہو جاتے ہیں۔اور پھر غیر قومیں ان کی بددیانتی کے چور دروازوں سے داخل ہو کر آپ پر حکومت کرنے لگتی ہیں۔یہ ایک بہت ہی بڑا خطرہ ہے