سلسلہ احمدیہ

سلسلہ احمدیہ — Page 493

493۔۔۔اس لئے جتنا من جماعت احمدیہ کی مرکزیت پر حملہ کرنے کے لئے کوشش کر رہا ہے یا حملے کرنے میں کامیاب ہو جاتا ہے اس حد تک اس کا جماعت کی طرف سے برعکس رد عمل پیدا ہوتا چاہئے۔چنانچہ میں نے جماعت کو بار ہا یہ تو جہ دلائی ہے کہ جب یہ آپ کی زندگی پر حملہ کر رہے ہیں، یہ آپ کو نیست و نابود کرنے کے خواب دیکھ رہے ہیں اور یہی منصوبے بنا رہے ہیں تو اس کا رد عمل یہ ہونا چاہیئے کہ اس قوت کے ساتھ آپ ابھریں اور بڑھیں اور پھیلیں کہ دشمن کلیہ خائب و خاسر اور نامراد ہو جائے۔حسرتوں کے سوا اس کے ہاتھ کچھ نہ آئے۔ایک جگہ جماعت کو دباتے ہیں تو دس جگہ آپ پھیل جائیں۔ایک احمدی کو شہید کرتے ہیں تو ہزاروں لوگوں کو احمدی بنائیں۔ایک ملک میں جماعت احمدیہ کی مسجدوں کو ویران کیا جاتا ہے تو ہزاروں ملکوں میں، جماعت احمد یہ مسجدیں بنائے۔یہ جواب ہے ایک زندہ قوم کا۔یہ جواب ہے ایک صاحب ایمان قوم کا۔اس لئے میں بار بار جماعت کو تبلیغ کی طرف متوجہ کر رہا ہوں اور خدا کے فضل سے بعض ممالک میں بہت ہی اچھے نتائج پیدا ہورہے ہیں۔آپ نے احباب جماعت فرانس کو تبلیغ کی طرف خصوصی توجہ دلاتے ہوئے جہاں اس امر پر خوشی کا اظہار فرمایا کہ بعض احمدی اللہ کے فضل سے حرکت میں آگئے ہیں۔وہاں آپ نے فرمایا کہ : دو لیکن بحیثیت جماعت، زندہ فعال جماعت کے طور پر منصوبہ بنا کر اہل فرانس کو اسلام میں داخل کرنے کے وہ آثار ابھی ظاہر نہیں ہوئے جن کی میں آپ سے توقع رکھتا ہوں۔“ اسی طرح آپ نے فرمایا: ہر احمدی اپنے اوپر فرض کر لے کہ میں نے ضرور یہاں احمدیت کا پودا لگانا ہے اور صرف پاکستانیوں میں کام نہ کریں۔ان کا بھی حق ہے، ان میں بھی بے شک کام کریں۔لیکن کوشش یہ کریں کہ اہل فرانس سے آپ کے تعلقات ہوں اور فرانسیسیوں تک آپ پیغام پہنچائیں۔“ (ماخوذ از خطبہ جمعہ فرمود وہ 28 دسمبر 1984 - خطبات طاہر جلد 3 صفحہ 777 تا 781)