سلسلہ احمدیہ — Page 452
452 احمدیوں کو بھی اس مقام کا حامل قرار نہیں دیا۔ظاہر ہے کہ حضور کسی احمدی کو کا فرقرار نہیں دے سکتے۔غیر احمدیوں کے بارے میں بھی یہ بات اسی تناظر میں دیکھنی چاہئے۔(۳) حضور کا جو جواب ہے اس میں کہیں بھی غیر احمدیوں کو کافر یا غیر مسلم نہیں کہا گیا۔بلکہ الفاظ تو یہ تھے ” غیر احمدی ملت اسلامیہ سے تعلق رکھنے والا اس معیار کا کوئی نہیں، اس میں ہرگز کافر نہیں کہا گیا۔بلکہ اس میں تو واضح طور پر یہ کہا گیا ہے کہ غیر احمدی بھی ملت اسلامیہ سے تعلق رکھتے ہیں۔اس ایک جملہ میں ہی کئے جانے والے اعتراض کا کافی جواب موجود ہے۔البتہ حضور نے یہ فرمایا تھا یہ معیار جو بیان کیا جا رہا ہے، اس معیار کا کوئی غیر احمدی میرے علم میں نہیں ہے۔اور اس معیار کا ذکر پہلے ہم کر چکے ہیں کہ ایسے شخص میں اسلام کی حقیقی روح پیدا ہوگی جب یہ شخص خدا کی راہ میں اپنا تمام وجود سونپ دے اور اپنے تمام وجود کو خدا کی راہ میں سونپ دے۔اور اس کے تمام اعضاء اور نیات خدا کے لئے ہو جائیں۔اور وہ نیستی کے ساتھ خدا کے تمام احکام دل و جان سے قبول کرے۔اس کے بندوں کی خدمت اور ہمدردی اور چارہ جوئی کے لئے اپنی زندگی وقف کر دے اور دوسروں کو راحت پہنچانے کے لئے خود دکھ گوارا کر لے۔اور وہ اپنا تمام وجود مع اپنی تمام خواہشوں اور قوتوں کے حوالہ بخدا کر دے اور اس کے تمام جذبات مٹ جائیں وہ خدا کے جلال کو ظاہر کرنے کے لئے ہر بے عزتی اور ذلت کو برداشت کرنے کے لئے مستعد ہو۔اس درجہ کا فرمانبردار ہو کہ خدا کے لئے اس کا ایک ہاتھ دوسرے ہاتھ کو کاٹ سکے۔اور اس سے تعلق کا ثبوت دینے کے لئے اپنے تمام نفسانی تعلقات توڑ L یہ تھا معیار جس کا ذکر کیا جا رہا تھا۔اور ظاہر ہے کہ اگر ایک فرقہ کے نزدیک اللہ تعالیٰ نے ایک مامور مبعوث کیا ہے تو اس کے انکار بلکہ یہ کہنا زیادہ مناسب ہوگا کہ اس کی تکفیر کے بعد بھی کیا کوئی یہ اعلیٰ مرتبہ پاسکتا ہے جس کا مذکورہ بالا حوالہ میں ذکر ہے تو پھر اس سے خدا کے فعل پر اعتراض اٹھتا ہے کہ آخر اس مامور کی بعثت کی ضرورت کیا تھی جبکہ اس کے بغیر بلکہ اس کی تکفیر کرنے کے بعد بھی تمام اعلیٰ مراتب حاصل کئے جاسکتے ہیں۔اور حضور نے اپنے جواب میں فرمایا تھا کہ ملت اسلامیہ سے تعلق رکھنے والے غیر احمدیوں میں سے میرے علم کے مطابق اس معیار کا کوئی نہیں ہے۔یا پھر مندرجہ بالا معیار کا ذکر تھا۔غیر احمدی مسلمانوں کے کافر کہنے کا کوئی ذکر نہیں تھا بلکہ ان کو ملت اسلامیہ سے تعلق