سلسلہ احمدیہ — Page 262
262 ہوگی۔اور نہ ہی ان کے پاس فیصلہ کرنے کا علم تھوڑا ہی ہوگا۔اور اس امام کے وجود سے تمام عالم سے اختلافات اُٹھا دئیے جائیں گے۔اور ایسا کیوں نہ ہو کیونکہ اس کے ہاتھ میں تلوار ہوگی۔فقہاء اس کے قتل کا فتویٰ دیں گے اور لیکن خدا تعالیٰ اس کو تلوار کے ساتھ غلبہ نصیب کرے گا۔الفتوحات مکیہ مصنفہ حضرت محی الدین ابن عربی، المجلد الثالث، ناشر دار صادر بیروت صفحه ۳۳۶) (جماعت احمدیہ کے مسلک کے مطابق تلوار سے مراد خدا تعالیٰ کے جلالی نشانوں اور برہانِ قاطعہ کی تلوار ہی ہوسکتی ہے۔جیسا کہ حضرت مسیح موعود علیہ السلام کے بہت سے الہامات اور رویا سے ظاہر ہوتا ہے۔) حضرت مجددالف ثانی " تحریر فرماتے ہیں: پس ہمارے پیغمبر ﷺ کی سنت آپ سے پہلی سنتوں کی ناسخ ہے۔اور حضرت عیسی نزول کے بعد اسی شریعت کی متابعت کریں گے۔کیونکہ اس شریعت کا نسخ جائز نہیں ہے۔قریب ہوگا کہ علماء ظواہر اس کے اجتہادات کا بار یکی اور پوشیدگی کی وجہ سے انکار کریں اور کتاب وسنت کا مخالف سمجھیں۔“ ( مکتوبات امام ربانی، حضرت مجددالف ثانی ، حصہ ششم دفتر دویم، باہتمام حافظ محمد رؤف مجددی ص ۱۳ و ۱۴) شیعہ کتب میں بھی یہی بیان ہوتا آیا ہے کہ علماء ظاہر کا طبقہ مہدی علیہ السلام کی مخالفت پر کمر بستہ ہوگا۔چنانچہ الصراط السوى فى احوال المهدی میں حضرت مہدی علیہ السلام کے ظہور کے متعلق لکھا ہے: ” جب تک ان میں حالت منتظرہ پہلے سے پیدا نہ ہو گی ہرگز اطاعت و اتباع میں سبقت نہ کر سکیں گے۔بلکہ ہرگز ایمان نہ لائیں گے۔بلکہ مثل شیطان شک وشبہ کر کے اپنے قیاسات باطل رکیکہ سے اس کی حجت کا انکار کریں گے۔بلکہ اس کے مقابلہ کو تیار اور عداوت اور دشمنی پر آمادہ ہو جائیں گے اور ہر طرح سے اس کو اور اس کے معتقدین کو اذیت پہنچانے کی کوشش کریں گے۔علماء اس کے قتل کے فتوے دیں گے۔اور بعض اہل دول اس