شمائل محمد صلی اللہ علیہ وسلم — Page 2
پیش لفظ انسانی زندگی بے شمار مسائل میں گھری ہوئی ہے۔دُنیا کے کسی بھی کونے میں چلے جائیں ہر قوم اور ہر علاقے کے لوگ اپنے مسائل اور پریشانیوں کے حل کے لئے کسی نہ کسی راہبر کی تلاش میں ہیں۔دُنیا میں بڑے بڑے ہیرو پیدا ہوئے لیکن کسی کی زندگی بھی اس کی قوم کو مکمل راہنمائی فراہم نہ کرسکی کیونکہ ان کے نظریات افراط و تفریط کا شکار تھے اور ویسے بھی محمد ودزمانہ تک ہی فائدہ دے سکتے تھے۔خالق کائنات نے انسانی ضرورتوں کے پیش نظر آج سے چودہ سو سال قبل بنی نوع انسان کو قرآن کریم کی شکل میں ایک مکمل آئین عطا فرمایا جو انسانی ضرورت کے کسی بھی پہلو کونظر انداز نہیں کرتا اور جس عظیم ہستی پر یہ کتاب نازل فرمائی اسے بنی نوع انسان کے لئے اسوہ حسنہ قرار دیا کیونکہ آپ کی پوری زندگی در اصل قرآن کریم کی عملی تفسیر تھی۔آنحضور رکھتا ہے۔ملاقہ کی زندگی کا ہر پہلو بنی نوع انسان کی بھلائی کا کوئی نہ کوئی پہلو ضرور اپنے اندر سیرت النبی کے موضوع پر بہت بڑی بڑی کتابیں لکھی گئی ہیں جن کا مطالعہ یقینا فائدہ مند ہے لیکن خیال کیا گیا کہ اس موضوع پر ایک بہت مختصر کتاب لکھی جائے جو ہر خادم اور طفل آسانی سے پڑھ سکے اور اپنی زندگی کو آنحضور ملالہ کی سیرت کی روشنی میں ڈھال سکے۔خاکسار اس سلسلے میں مکرم عبدالسمیع خان صاحب کا شکر گزار ہے کہ انہوں نے نہایت محنت اور لگن سے آنحضور ملالہ کی سیرت کے چمن سے کچھ منتخب پھول خدام واطفال کے لئے چنے اور انہیں اس کتاب کی زینت بنایا۔فجزاہ اللہ احسن الجزاء یہ کتاب جہاں ہمارے نوجوانوں اور بچوں کے لئے مفید ہے وہاں دیگر افراد جماعت بھی اس کے مطالعہ سے یقیناً لطف اٹھا سکیں گے اور مستفید ہونگے۔دعا ہے کہ اللہ تعالیٰ ہم سب کو آنحضور مطالعہ کی سیرت و نصائح کے مطابق اپنی زندگیاں سنوارنے کی توفیق عطا فرمائے۔آمین www۔alislam۔org