روئداد جلسۂ دعا — Page 644
صفحہ ۳۹۵۔اس عمر میں اس کی طبیعت بہت سخت تھی اسے کسی انسان نے نہیں بلکہ خود خدا نے قتل کیا ہے۔دلبر کا چہرہ طالبوں سے پوشیدہ نہیں ہے۔وہ سورج میں بھی چمکتا ہے اور چاند میں بھی۔لیکن وہ حسین چہرہ غافلوں سے پوشیدہ ہے سچا عاشق چاہیے تا کہ اُس کی خاطر نقاب اٹھائی جائے۔اُس کا مقدس دامن تکبر سے ہاتھ نہیں آتا اس کے لئے کوئی راہ سوائے انکساری درد اور بے قراری کے نہیں ہے۔اُس محبوب ازلی کا راستہ بہت خطرناک ہے اگر تجھے جان کی سلامتی چاہیے تو خود روی کو ترک کر دے۔نا اہل لوگوں کی عقل اُس کے کلام کی تہ تک نہیں پہنچ سکتی جو خودی کا تارک ہو اسی کو وہ صحیح راستہ ملتا ہے۔قرآن کو سمجھنے کا مسئلہ اہل دنیا سے حل نہیں ہو سکتا، اس شراب کا مزا وہی جانتا ہے جو اس شراب کو پیتا ہے۔اے وہ شخص جسے باطنی انوار کی کچھ خبر نہیں، تو جو کچھ بھی ہمارے حق میں کہے ناراضگی کا موجب نہیں۔ہم نے نصیحت اور خیر خواہی کے طور پر یہ باتیں کہی ہیں تا کہ وہ خراب زخم اس مرہم سے اچھا ہو جائے۔انکارِ دعا کے مرض کا علاج دعا ہی سے کر جیسے خمار کے وقت شراب کا علاج شراب سے ہی کیا جاتا ہے صفحہ ۳۹۶۔اے وہ شخص جو کہتا ہے کہ اگر دعاؤں میں اثر ہے تو دکھاؤ کہاں ہے پس میری طرف دوڑ تا کہ میں تجھے سورج کی طرح دعا کا اثر دکھاؤں۔خبردار خدا کی قدرتوں کے بھیدوں کا انکار نہ کر بات ختم کر اور ہم سے دعائے مستجاب دیکھ لے صفحہ ۵۴۵۔تا جس کا جھوٹ ثابت ہوجائے اس کا منہ کالا ہو صفحہ ۵۶۲۔تمہارے بہتانوں اور جھوٹوں سے دل خون ہوگیا ہے۔خدا ہی جانتا ہے کہ اس دین سے دل کی کیا حالت ہوگئی ہے۔مجھے کچھ بھی تو معلوم نہ ہوسکا کہ میری دشمنی پر تمہارا دل اتنا دلیر اور میرے خلاف کیوں ہوگیا ہے