فتح اسلام — Page 3
روحانی خزائن جلد ۳ فتح اسلام بسم اللهِ الرَّحْمَنِ الرَّحِيمِ نَحْمُدُهُ وَ نُصَلِّي فتح اسلام اور خدا تعالیٰ کی تجلتی خاص کی بشارت اور اُس کی پیروی کی راہوں اور اس کی تائید کے طریقوں کی طرف دعوت رَبِّ انْفُخُ رُوْحَ بَرَكَةٍ فِي كَلامِيْ هَذَا وَ اجْعَلْ أَفْئِدَةً مِنَ النَّاسِ تَهْوِي إِلَيْهِ اے ناظرین ! عافاكم الله في الدنيا والدين - آج یہ عاجز ایک مدت مدید کے بعد اُس الہی کارخانہ کے بارے میں جو خدا تعالیٰ نے دین اسلام کی حمایت کے لئے میرے سپرد کیا ہے ایک ضروری مضمون کی طرف آپ لوگوں کو توجہ دلاتا (۲) ہے اور میں اس مضمون میں جہاں تک خدا تعالیٰ نے اپنی طرف سے مجھے تقریر کرنے کا مادہ بخشا ہے اس سلسلہ کی عظمت اور اس کا رخانہ کی نصرت کی ضرورت آپ صاحبوں پر ظاہر کرنا چاہتا ہوں تا وہ حق تبلیغ جو مجھ پر واجب ہے اُس سے میں سبکدوش ہو جاؤں ۔ پس اس مضمون کے بیان کرنے میں مجھے اس سے کچھ غرض نہیں کہ اس تحریر کا دلوں پر کیا اثر پڑے گا ۔ صرف غرض یہ ہے کہ جو بات مجھ پر فرض ہے اور جو پیغام پہنچا نا میرے پر قرضہ لازمہ کی طرح ہے وہ جیسا کہ چاہیے مجھ سے ادا ہو جائے خواہ لوگ اُس کو بسمع رضا سنیں اور خواہ کراہت اور قبض کی نظر سے دیکھیں اور خواہ میری نسبت نیک گمان رکھیں اور یا بدظنی کو اپنے دلوں میں جگہ دیں ۔ وَافَوِّضُ أَمْرِى إِلَى اللَّه وَ اللهُ بَصِيرٌ بِالْعِبَادِ -