راہ ھدیٰ

راہ ھدیٰ — Page 1

بسم الله الرحمن الرحیم تعارف ایک دیوبندی عالم مولانا محمد یوسف صاحب لدھیانوی نے " قادیانیوں کو دعوت اسلام" کے نام سے اڑتالیس (۴۸) صفحات کا ایک رسالہ تحریر کیا ہے۔جو عالمی مجلس تحفظ ختم نبوت حضوری باغ روڈ ملتان پاکستان کی جانب سے شائع ہوا ہے۔اس رسالہ میں لدھیانوی صاحب نے جماعت احمدیہ کے خلاف کئی درجن اعتراضات کئے ہیں اور بزعم خویش افراد جماعت احمدیہ کو اس بات کی دعوت دی ہے کہ وہ احمدیت سے انحراف کر کے اسلام قبول کرلیں۔معزز قارئین حقیقت یہ ہے کہ لدھیانوی صاحب کا رسالہ بغض و تعصب کی تصویر اور دھوکہ و فریب کا شاہکار ہے جیسا کہ آپ آئندہ صفحات میں ملاحظہ فرمائیں گے۔اس رسالہ کے شروع میں لدھیانوی صاحب نے دو صفحات کا پیش لفظ لکھا ہے اور پھر پانچ فصلیں لکھی ہیں۔ہم اسی ترتیب کے ساتھ اس رسالہ کا جواب لکھنا چاہتے ہیں۔پیش لفظ کی حقیقت لدھیانوی صاحب نے پیش لفظ میں لکھا ہے کہ ” اسلام اور قادیانیت کا سو سالہ تصادم ۷ ستمبر ۱۹۷۴ء کے آئینی فیصلہ سے اپنے انجام کو پہنچ چکا ہے۔اس طویل عرصہ میں بے شمار مناظرے ، مباحے مباہلے ہوتے رہے۔سینکڑوں کتابوں اور رسالوں کے دفتر دونوں جانب سے تالیف کئے گئے۔مگر اب ان میں سے کسی چیز کی ضرورت باقی نہیں رہی۔" لدھیانوی صاحب کے نزدیک جماعت احمدیہ کی تردید کے لئے پاکستان کی قومی اسمبلی کا بھٹو صاحب کی سرکردگی میں ۷ ستمبر ۱۹۷۴ء کو یہ فیصلہ کرنا کہ جماعت احمدیہ غیر مسلم ہے ، کافی دلیل ہے۔