حقائق الفرقان (جلد ۴) — Page 367
ان کے برداشت کرنے کا حوصلہ اور استقلال اس میں موجود ہے۔پس آنحضرت صلی اﷲ علیہ وآلہٖ وسلم کو یہ بشارت دی جاتی ہے۔کہ تیرے آنے کی جو غرص دنیا میں ہے۔اس کے حسبِ حال آپ کو قوٰی دیئے ہیں اور اس کی تکمیل کی جو راہ ہے۔وہ آپ کو بتادی جاتی ہے۔اگر یہ سوال ہو کہ یہ علوم جو نبوّت کے متعلق ہیں۔وہ کس طرح پر محفوظ رہیں گے اور آپ کس طرح پڑھ لیں گے۔تو سُنو۔اس کے متعلق ہم پیشگوئی کرتے ہیں۔۔ہم تجھ کو پڑھا دیں گے اور تو کبھی نہیں بھلے گا۔اب جیسا کہ اﷲ تعالیٰ نے وعدہ اور بشارت دی تھی کہ تو ہمارے پڑھائے ہوئے علوم کبھی نہیں بھلے گا۔اس وعدہ کے موافق اﷲ تعالیٰ نے آنحصرت صلی اﷲ علیہ و آلہٖ وسلم کو قرآن مجید پڑھایا اور تمام اسرار و حقائق و معارف ودقائق آپؐ پر منکشف کئے۔علومِ اوّلیں و آخرین عطا فرمائے۔اور اس پر بھی (طٰہٰ:۱۱۵) کی دعا سکھائی۔اس آیت میں یہ بھی بتایا ہے کہ بھولے گا نہیں۔مگر بھی اس کے ساتھ ہے۔اب غور طلب بات یہ ہے کہ اس سے کیا مراد ہے۔سو یاد رکھنا چاہیئے کہ ضروریاتِ دین اور کلام ربّانی جس کا دنیا کو پہنچانا مقصود ہے۔وہ تو کبھی آپ کو بھول ہی نہیں سکتا اور نہ ایسا ہو سکتا ہے کیونکہ اگر ایسا ہو تو پھر امان ہی اُٹھ جاوے۔قرآن مجید خود اس کی تشریح دوسری جگہ کرتا ہے۔ایک جگہ فرماتا ہے۔۔(بنی اسرائیل: ۸۷) یعنی اگر ہم چاہتے تو جو کچھ تیری طرف وحی کیا ہے۔اُسے لے جاتے۔مگر ایسا وقوع میں نہیں آیا۔اس لئے یا سے یہ مراد نہیں ہو سکتا کہ ایسا وقوع میں بھی آیا۔اور اگر آیا بھی۔تو دیکھنا یہ ہے۔کہ کیا کوئی قرآن کریم میں اس کا پتہ ہے۔اس لئے ایک جگہ فرمایا۔( الحج:۵۳) یعنی شیطانی القاء کو اﷲ تعالیٰ مٹا دیتا ہے۔اور اپنی آیات کو مضبوط کرتا ہے۔اور ایک اَور جگہ فرمایا۔(الشوری:۲۵) اﷲ تعالیٰ باطل کو محو کر دیتا ہے اور اپنے کلماتِ حق کو حق ثابت کرتا ہے۔پس معلوم ہوا سے اگر کوئی مراد ہے تو وہ باطل اور ارادہ و تدابیر شیطانی ہیں۔جو آپؐ کی مخالفت کے لئے کی جاتی تھیں۔یہ بھی گویا عظیم الشان پیشگوئی ہے۔اس کو واقعات سے ملا کر دیکھو کہ کس طرح پر آنحضرت صلی اﷲ علیہ وسلم کو جو پڑھایا گیا وہ قائم رہا۔اور دنیا اس کو نہیں بھول سکتی۔قرآن کریم کی وحی آج تک بھی اسی قوت و شان کے ساتھ زندہ اور محفوظ ہے۔پھر اس کو مؤکّد کرنے کے لئے فرمایا( الاعلیٰ:۸) یعنی یہ اس اﷲ تعالیٰ کی طرف سے ارشاد ہے جو ظاہر اور مخفی تمام امور کا پورا