مکمل تبلیغی پاکٹ بک — Page 20
20 20 و ہم ہے؟ دہریوں کے اعتراضات مع جوابات (۱) اعتراض اوّل:۔چونکہ خدا نظر نہیں آتا اس لئے معلوم ہوا کہ اس کا وجود وہم ہی جواب اوّل:۔دنیا میں بہت سی چیزیں ہیں جو نظر نہیں آتیں۔جیسے عقل ، ہوا، روح بجلی اور زمانہ وغیرہ مگر دہر یہ ان چیزوں کے وجود کے مقر ہیں۔جواب دوم:۔اگر خدا لوگوں کو نظر آیا بھی کرتا تب بھی اس کو ہر شخص تسلیم نہ کرتا۔مثلاً اندھوں کو کس طرح نظر آتا ہے؟ دہر یہ اندھوں کو کیا جواب دیتے۔اس لئے معلوم ہوا کہ آنکھوں سے نظر آنا ایک ایسا امر نہیں جس سے ساری دنیا کی تشفی ہو سکتی۔جواب سوم :۔اگر آنکھوں سے نظر آجائے اور سب لوگ اُس جلال والی ہستی کا مشاہدہ کر لیں تو پھر دین کا کارخانہ ہی باطل ہو جائے اور ایمان بالغیب پر جو ثواب مقرر ہیں وہ ضائع ہو جائیں۔آنکھوں سے وہی چیز نظر آتی ہے جو کسی خاص سمت پر واقع ہو اور محدود ہو یا د یکھنے والے کی آنکھ سے دور ہو۔خدا تعالیٰ کی ہستی تو سمتوں سے پاک ہے۔ہمتیں مخلوق کی ہیں اور یہ نہیں ہوسکتا کہ مخلوق اپنے خالق کا احاطہ کرے علا وہ ازیں جب اس کو آنکھ نے دیکھا اور اس کا احاطہ کیا تو وہ محدود ثابت ہوا اور محدود ہونا نقص ہے اور خدا نقصوں سے پاک ہے نیز وہ ہر جگہ موجود ہے۔آنکھ سے دور ہستی نہیں۔سچ ہے : لَا تُدْرِكُهُ الْأَبْصَارُ وَهُوَ يُدْرِكُ الْأَبْصَارَ (الانعام: ۱۰۴) (۲) اعتراض دوم:۔اگر خدا کا کوئی وجود ہوتا تو مذہب میں اختلاف نہ ہوتا بلکہ سب مذہب آپس میں متفق ہوتے کیونکہ ان کا اتار نے والا بھی ایک مانا جاتا لیکن چونکہ اختلاف ہے اس لئے معلوم ہوا کہ الہام وغیرہ وہم ہے اور خدا کا کوئی وجود نہیں۔جواب اوّل:۔مذہب کے اختلاف سے یہ ثابت نہیں ہوتا کہ ان کا بھیجنے والا کوئی نہیں۔کیونکہ مذاہب اور شریعت لوگوں کے لئے بطور نسخہ ہوتے ہیں۔جس طرح ایک ہی طبیب مختلف بیماروں