اوڑھنی والیوں کے لئے پُھول — Page 355
355 الله جب تک اس کا عمل اس کے قول کے مطابق نہ ہو۔صحابہ کام زیادہ کرتے تھے اور باتیں کم۔قرآن کریم میں آتا ہے کہ منافق رسول کریم ﷺ کے متعلق زیادہ باتیں کیا کرتے تھے۔منافق رسول کریم ﷺ کی مجلس میں آکر کہا کرتے کہ ہم خدا کی قسم کھا کر کہتے ہیں کہ تو اللہ کا رسول ہے۔مومن تو بغیر قسمیں کھائے کہتے تھے۔مومنوں کے متعلق کہیں ذکر نہیں آتا کہ اُنہوں نے قسمیں کھائی ہوں لیکن منافقوں کے متعلق قرآن کریم میں آتا ہے کہ وہ قسمیں کھا کھا کر کہتے تھے کہ واللہ کا رسول ہے حالانکہ وہ جھوٹے ہوتے تھے۔عورتوں کے لئے ایک بہت بڑے تغیر کی ضرورت ہے۔تمہاری حالت تو بالکل مُردوں کی سی ہے۔نہ تمہارے دماغوں میں اتنی روشنی ہے کہ مفہوم کو عدگی کے ساتھ سمجھ سکو، نہ تمہاری زبانوں میں اتنی طاقت ہے کہ مافی الضمیر کوادا کر سکو۔کئی عورتیں آتی ہیں کہ جی ہم مصیبت زدہ ہیں ہماری بات سن لیجیے۔وہ مجھے کئی ضروری کاموں سے روک لیتی ہیں۔مرد ایسے دوسو میں سے دس ہوتے ہیں مگر عورتیں سو میں سے نوے ہوتی ہیں۔میں سو کام چھوڑ کر اُس کی بات سنتا ہوں کہ احمدی جماعت میں سے ہے، مصیبت زدہ ہے ، ہمدردی کروں، لیکن وہ میرا اوقت ضائع کر دیتی ہے۔عورتیں بہت لمبی چوڑی باتیں شروع کر دیتی ہیں۔مثلا میں فلاں کے گھر اس کے جنوبی دروازہ سے اُس کے صحن میں داخل ہوئی۔اُس کا صحن بس یہی کوئی تین چار چار پائیوں کا ہوگا۔صحن سے گزر کر میں برآمدہ میں داخل ہوئی پھر میں اندر گئی۔یہ طریق گفتگو بتاتا ہے کہ کام ہے ہی نہیں۔سب سے بڑی ضرورت یہ ہے کہ تم اپنے لئے کام تجویز کرو۔زمیندار عورتیں گھروں میں کام کرتی ہیں۔انہیں محنت کی عادت ہوتی ہے۔لیکن شہری عورتوں کو سوائے باتوں کے اور کچھ آتا ہی نہیں۔امراء کی عورتیں نوکروں کو گالیاں دیتی رہتی ہیں۔سارا دن جھک جھک کرنے میں گزر جاتا ہے۔وہ پانچ منٹ نوکر کو صرف اس لئے جھاڑتی ہے کہ تو نے پیالی کیوں صاف نہیں کی حالانکہ اگر وہ خود کرے تو ایک منٹ میں پیالی صاف ہو سکتی ہے بعض لوگ قطب مینار پر صرف دو منٹ کے لئے چڑھتے ہیں لیکن اس پر اپنا نام لکھ جاتے ہیں کہ فلاں بن فلاں اس جگہ فلاں دن آیا تھا۔وہ گوارا نہیں کرتے کہ صرف دو منٹ کے لئے بھی آکر یونہی واپس چلے جائیں بلکہ اپنی نشانی چھوڑ جاتے ہیں۔مینارہ مسیح ایک مقدس جگہ ہے بعض نادان اس پر چڑھ کر اپنا نام لکھ جاتے ہیں۔تم خدا کی اس دنیا میں پچاس ساٹھ سال رو کر جاتی ہو لیکن اتنا بھی نشان چھوڑ کر نہیں جاتی ہو۔کیا تم کہہ سکتی ہو کہ تمھاری ماں تمھاری دادی، تمھاری نانی وغیرہ تمھارے لئے کوئی نشان چھوڑ کر گئی ہیں۔بائبیل