نظام وصیت — Page 235
235 ارشادات حضرت مسیح موعود وخلفائے سلسلہ انصار کو تو سو فیصد شامل ہونے کی کوشش کرنی چاہئے۔اگر تو اکثریت شامل ہو گئی ہے تو الحمد للہ اور اگر کوئی مزید گنجائش ہے تو اسے بھی پورا کرنے کی کوشش کرنی چاہئے اور یہ کوشش مجلس انصار اللہ کی سطح پر ہونی چاہئے۔۔۔۔بعض لوگ کہہ دیتے ہیں ہمارے عمل ایسے ہیں کہ ہمیں وصیت کرتے ہوئے ڈر لگتا ہے۔اگر ایسے عمل ہیں تب بھی وصیت کرنی چاہئے۔ہو سکتا ہے کہ اس کی بدولت اللہ تعالیٰ ان میں نیکی کی روح پھونک دے بلکہ وصیت کرنے کے بعد بہت سے لوگ ایسے ہیں مجھے لکھتے ہیں کہ خود بخود توجہ پیدا ہوتی چلی جا رہی ہے جو اللہ تعالیٰ کا قرب حاصل کرنے کی وجہ بھی بن رہی ہے، دعاؤں کی طرف توجہ ہو رہی ہے۔نمازوں کا حق ادا کرنے کی طرف توجہ پیدا ہورہی ہے۔قربانیوں کے معیار بلند ہورہے ہیں۔ستر یا پیچتبر سال کے جو انصار ہوتے ہیں ان میں سے بعض کی وصیت تو مرکز منظور کرتا ہے اور بعضوں کی نہیں کرتا۔لیکن صف دوم کے جو انصار ہیں ان کو خاص طور پر اس طرف توجہ کرنی چاہئے۔پھر اسی طرح دوسری مالی تحریکات ہیں ان کی طرف بھی توجہ کی ضرورت ہے۔اپنے نام کو دیکھیں کہ اللہ تعالیٰ کے مددگار اور ناصر بننے کا اعلان کر رہے ہیں، پھر اپنی قربانیوں کو دیکھیں ، خود اپنے جائزے لیں اور پھر اپنے دل سے فتویٰ لیں کہ کیا ہم انصار اللہ ہونے کا حق ادا کر رہے ہیں۔جب خود اپنی سوچ کو اس نہج پر لائیں گے تو مجھے امید ہے کہ انشاء اللہ تعالیٰ ہر ایک کے اندر پاک تبدیلیوں کے اور قربانیوں کے معیار بڑھتے چلے جائیں گے اور جب یہ بڑھیں تو یہی چیز ہے اور من حیث الجماعت، جماعت کی بقا اور ترقی کے سامان کرتی ہے۔الفضل انٹر نیشنل 25 دسمبر 2009 صفحہ 8,2 اللہ تعالیٰ ہمیں ہوشیار کر رہا ہے کہ تم دنیا کے کسی کریڈٹ کرنچ کی فکر نہ کرو میرے ساتھ سودا کرتے جاؤ میں انشاء اللہ تمہاری توفیقیں بڑھاتا چلا جاؤں گا (خطبہ جمعہ فرمودہ 6 نومبر 2009ء بمقام مسجد بیت الفتوح لندن) وصیتوں کی تحریک کرنے پر جب جماعت کا وصیت کی طرف رجحان ہوا تو بعض کا خیال تھا کہ باقی