لجنہ اماءاللہ عالمگیر کے لئے پیغامِ عمل — Page 254
ناصرات اور نوجوان لجنہ کو پیار سے سنبھالنا ہے۔ان میں دینی کاموں کا شوق اجاگر کرنا ہے۔عورتوں کے لئے اسلام کی ایک ضروری تعلیم پر دہ ہے اسے بھی ہمیشہ ذہن نشین رکھیں۔عورت کی حیا اُس کا حیادار لباس ہے۔اس کا تقدس مردوں سے بلا وجہ کے میل ملاقات سے بچنے میں ہے۔اس اہم تعلیم پر بھی ہر احمدی عورت کو عمل کرنا چاہئے۔حضرت مسیح موعود علیہ السلام فرماتے ہیں: ”یہ زمانہ ایک ایسا نازک زمانہ ہے کہ اگر کسی زمانہ میں پردہ کی رسم نہ ہوتی تو اس زمانہ میں ضرور ہونی چاہئے تھی کیونکہ کل جگ ہے اور زمین پر بدی اور فسق و فجور اور شراب خوری کا زور ہے اور دلوں میں دہر یہ پن کے خیالات پھیل رہے ہیں اور خدا تعالیٰ کے احکام کی دلوں میں سے عظمت اٹھ گئی ہے۔زبانوں پر سب کچھ ہے اور لیکچر بھی منطق اور فلسفہ سے بھرے ہوئے ہیں مگر دل روحانیت سے خالی ہیں۔ایسے وقت میں کب مناسب ہے کہ اپنی غریب بکریوں کو بھیڑیوں کے بنوں میں چھوڑ دیا جائے۔“ (لیکچر لاہور۔روحانی خزائن جلد 20 صفحہ 174) 254