مصالح العرب (جلد 2 ۔۱۹۵۵ء تا ۲۰۱۱ء تک) — Page 31
21 مصالح العرب۔۔۔۔۔جلد دوم مزید غور و فکر کے انہیں اس خلافت کی اہمیت معلوم ہو جاتی جسے اللہ تعالیٰ نے تمام دنیا کے مسلمانوں کے مفاد کے لئے قائم کیا ہے۔اس فتنہ کے بارہ میں مرکز کے قریب رہنے والے اور باہر کے احمدیوں نے جس نفرت کا اظہار کیا وہ ہر معمولی عقل والے انسان کو بھی اس بات کا یقین کروانے کے لئے کافی ہے کہ ان منافقین نے جو طریقے استعمال کئے ہیں وہ خوارج کے طریقوں سے ذرہ بھر بھی مختلف نہیں۔ہر زمانہ میں منافق اسی طریق پر چلتے رہے ہیں۔اسی وجہ سے ہم بغیر کسی دقت کے اس بہت بڑے نقصان کا اندازہ کر سکتے ہیں جو منافقین ہماری جماعت کو پہنچانا چاہتے ہیں۔منافقین کو یہ معلوم ہونا چاہئے کہ جماعت کے بارہ میں اللہ تعالیٰ کی نصرت کا وعدہ ضرور پورا ہوکر رہے گا۔ہمیں اس کے پورا ہونے میں کسی قسم کا کوئی شک وشبہ نہیں۔ہم یہ بھی یقین رکھتے ہیں کہ اس نصرت و مدد کو روکنے کی کوئی بھی کوشش خواہ وہ سازش اور فتنہ ہی کیوں نہ ہو کبھی کامیاب نہیں ہوگی۔پس حضور انور، اللہ تعالیٰ کی مدد و نصرت سے اپنا کام کرتے چلے جائیں اللہ تعالیٰ ہی حضور کا بہترین محافظ ہے اور وہ سب رحم کرنے والوں میں سے زیادہ رحم کرنے والا ہے۔آخر میں ہم حضور سے دعا کی درخواست کرتے ہیں کہ اللہ تعالیٰ ہمیں دین کی خدمت کی توفیق عطا فرمائے اور اس دنیا میں اور آخرت میں بھی اپنی رضا حاصل کرنے کا موقعہ ہم پہنچائے ، آمین۔خاکسار: محمد بسیونی جنرل سیکرٹری جماعت احمدیہ مصر (الفضل 18 اکتوبر1956 ، صفحہ 3) جماعت احمد یہ شام کا اخلاص نامہ بسم اللہ الرحمن الرحیم نحمدہ ونصلی علی رسولہ الکریم على عبد المسيح الموعود سیدنا ومولانا وامامنا حضرت مرزا بشیر الدین محمود احمد ایدہ اللہ تعالیٰ بنصرہ العزیز خلیفہ ثانی حضرت مسیح موعود علیہ الصلوۃ والسلام السلام علیکم ورحمۃ اللہ و برکاتہ ہم ممبران جماعت احمد یہ شام اپنے محبوب امام و آقا مصلح موعود ایدہ اللہ بنصرہ العزیز سے