خطبات وقف جدید — Page 85
حضرت مصلح موعود 55 85 پیغام بر موقع جلسہ سالانہ 28 دسمبر 1960ء وقف جدید کی تحریک پر تین سال گذر چکے ہیں۔اور اب نئے سال کے آغاز سے اس تحریک کا چوتھا سال شروع ہوتا ہے۔میں نے ابتداء میں ہی جماعت کے دوستوں کو نصیحت کی تھی کہ انہیں وقف جدید کا سالانہ بجٹ بارہ لاکھ تک پہنچانا چاہیے۔تا کہ اس کے ذریعہ کم سے کم ایک ہزار ایسے معلم رکھے جاسکیں جو اسلام اور احمدیت کی تعلیم لوگوں تک پہنچائیں اور ان غلط فہمیوں کو دور کریں جو ہمارے متعلق ان کے دلوں میں پائی جاتی ہیں مگر مجھے افسوس کے ساتھ کہنا پڑتا ہے کہ ابھی تک وقف جدید کا بجٹ اسی ہزار کے اردگرد چکر لگا رہا ہے اور اس میں بھی کچھ وعدے ایسے ہوتے ہیں جن کی وصولی میں دفتر کو مشکلات پیش آجاتی ہیں۔میں دوستوں کو توجہ دلاتا ہوں کہ انہیں اس غفلت کا ازالہ کرنا چاہیے اور نہ صرف اپنے وعدوں کو پورا کرنا چاہیے بلکہ جماعت کی طرف سے نئے سال کے وعدے گذشتہ سال سے اضافہ کے ساتھ پیش ہوں کیونکہ جب تک وقف جدید کی مالی حالت مضبوط نہیں ہوگی ہم معلمین کی تعداد بھی نہیں بڑھا سکتے اس وقت صرف 60 معلم کام کر رہے ہیں لیکن صحیح طور پر کام چلانے کیلئے کم از کم ایک ہزار معلمین کی ضرورت ہے اور ایسا بھی ہوسکتا ہے۔جبکہ مالی لحاظ سے وقف جدید کو مضبوط بنایا جائے پس دوست ہمت سے کام لیں اور وقف جدید کو ترقی دیں خدا تعالیٰ کے فضل سے اس تحریک میں کام کرنے والوں کے ذریعہ جماعت کی تعداد میں ہر سال ترقی ہورہی ہے۔اور اگر کام بڑھ جائے اور وقف جدید کی مالی حالت بہتر ہو جائے تو اس میں اور بھی اضافہ ہوسکتا ہے۔پس دوست اس تحریک کو کامیاب بنائیں اور نئے سال کے آغاز سے پہلے سے بھی زیادہ ہمت اور جوش کیسا تھ اس میں حصہ لیں۔اللہ تعالیٰ آپ کے ساتھ ہو اور وہ آپ کو آپ کے فرائض کے سمجھنے اور ان ذمہ داریوں کو صحیح طور پر ادا کرنے کی توفیق عطا فرمائے جو اللہ تعالیٰ کی طرف سے آپ پر عائد کی گئی ہیں۔(27-12-1960)۔۔۔۔۔