خطبات وقف جدید — Page 70
70 حضرت مصلح موعود سے ان کی تعدا دا بھی کافی نہیں۔چنانچہ میرے پاس کئی احمدی ڈاکٹروں کے خط آتے ہیں کہ ہماری عمر ریٹائر ہونے کے قریب پہنچ چکی ہے لیکن محکمہ ہمیں ریٹائر نہیں کرتا جس سے پتہ لگتا ہے کہ ابھی محکمہ کے پاس کافی ڈاکٹر نہیں۔اگر کافی ڈاکٹر ہوں تو ریٹائر ہونے کی عمر تک پہنچنے پر انہیں ریٹائر کیوں نہ کرے۔یورپ کے بعض ملکوں میں فی سو آدمی ایک معالج ہوتا ہے۔ہمارے ملک کی آبادی آٹھ کروڑ ہے۔اس لحاظ سے ہمارے پاس تو ایک لاکھ معالج ہونا چاہیے۔انگلستان میں سب سے کم معالج ہیں۔وہاں دو ہزار پر ایک معالج ہے۔پس پاکستان کے لحاظ سے بھی ہمارے پاس چالیس ہزار معالج ہونا چاہیے۔ہومیو پیتھک اور دیسی طب میں یہی فائدہ ہے کہ ایک تو علاج سستا ہو جاتا ہے، دوسرے کثرت سے معالج مہیا ہو سکتے ہیں امریکہ میں ہومیو پیتھک معالج کثرت سے ہیں۔ہمارے ملک میں یہ خیال پایا جاتا ہے کہ ڈاکٹری پاس لوگ ہی علاج کر سکیں۔یہ درست نہیں مجھے ہو میو پیتھک کا شوق ہے اور میں محض خدمت خلق کے طور پر میں سال سے مفت علاج کر رہا ہوں۔اور میرے کتب خانہ میں اتنی کتابیں ہیں جو بڑے بڑے ڈاکٹروں کے کتب خانوں میں بھی نہیں۔میں نے دیکھا ہے کہ مری میں ایک صاحب جو پہلے معمولی کمپاؤنڈر تھے اور ہومیو پیتھی کی پریکٹس کرتے تھے انہوں نے میرا علاج کیا اور اس سے مجھے بہت فائدہ ہوا۔بڑے بڑے ڈاکٹروں نے میرا علاج کیا تھا۔لیکن میں اکڑوں نہیں بیٹھ سکتا تھا۔لیکن ان صاحب نے میرا علاج کیا اور میں اکڑوں بیٹھنے لگ گیا۔وہ معمولی کمپاؤنڈر تھے۔لیکن کتابوں کا مطالعہ کرنے کے بعد بڑے اچھے ڈاکٹر بن گئے ہیں۔یہاں تک کہ لاہور کے بعض کا لجوں کے پاس شدہ ڈاکٹر ہیں ان سے بھی زیادہ ان کی دوائی مؤثر ہوتی تھی۔ہمارے ربوہ میں بھی ایک صاحب ہومیو پیتھک کی پریکٹس کرتے ہیں وہ معمولی کلرک تھے لیکن ہومیو پیتھک کی پریکٹس میں انہوں نے بڑی مشق کر لی ہے۔بہر حال جماعت کو چاہیے کہ تحریک جدید اور وقف جدید کی طرف خاص توجہ کرے۔اسی طرح واقفین کو چاہیے کہ وہ تفسیر میں لے کر پڑھیں۔تفسیر صغیر اور تفسیر کبیر بھی اور لوگوں میں پھیلائیں۔تا کہ قرآن کریم سے لوگوں کا تعلق پیدا ہو قرآن کریم ہی ایک ایسی چیز ہے جو دلوں میں نور پیدا کرتی ہے۔اگر آپ لوگ قرآن پھیلا ئیں گے تو احمدیت کی دشمنی لوگوں کے دلوں سے خود بخود کم ہو جائے گی۔وہ جب پڑھیں گے کہ قرآن میں لکھا ہے کہ یہودیوں اور عیسائیوں کے ساتھ بھی سختی نہ کرو تو کیا انہیں خیال نہیں آئے گا کہ ہم مسلمانوں کے ساتھ کیوں کرتے ہیں۔ہماری جماعت شکایت کیا کرتی ہے کہ لوگ ہم پر سختی کرتے ہیں۔اس کی وجہ یہی ہے کہ انہوں نے مسلمانوں کو قرآن سے واقف نہیں کیا۔اگر وہ تفسیر صغیر وغیرہ اپنے