خطبات وقف جدید — Page 239
239 حضرت خلیفہ امسح الثالث سکتے ہیں کہ جو تر جمہ ہوا ہے اس میں مضمون کے لحاظ سے غلطی تو نہیں۔میرا خیال ہے کہ فرانسیسی ترجمہ ان تراجم میں سب سے پہلے آجائے گا۔اٹالین زبان میں آجائے گا۔پھر پور چوگیز زبان میں آجائے گا۔رشین زبان میں بھی ٹرانسلیشن TRANSLATION ہے۔جس کی REVISION ہونے والی ہے اس کے لئے انتظام میں کر رہا ہوں۔میرے دل میں اللہ تعالیٰ نے یہ شدید تڑپ پیدا کی ہے کہ دس سال کے اندراندر ہم فرانسیسی اور اٹالین اور سپینش زبان میں اور رشین زبان میں اور چائینیز زبان میں قرآن کریم کے ترجمے شائع کر دیں۔اگر ہم ایسا کر سکیں تو دنیا کی آبادی کے قریباً اسی فیصد سے زیادہ لوگوں کو قرآن کریم ان کی زبان میں دے سکتے ہیں۔تو دوست دعا کریں کہ اللہ تعالیٰ نے جو خواہش پیدا کی ہے اس کے پورے کرنے کے بھی سامان پیدا کرے۔وقف جدید کو اپنے کام چلانے کے لئے پیسوں کی بھی ضرورت ہوتی ہے اور دوست اس طرف توجہ بھی کرتے ہیں۔اللہ تعالیٰ انہیں جزاء دے۔ان کی رپورٹ کے مطابق 80-1979ء میں قریباً 99 ہزار کی بیشی ہے۔لیکن جو دفتر اطفال کہلاتا ہے یعنی چھوٹے بچوں کا رجسٹر ، بچے تو تعداد میں بڑھ گئے خدا کے فضل سے لیکن ان کی جو آمد ہے اس میں 6,575 کی کمی ہے یہ تو درست ہے کہ بعض بچے اپنی عمر کے لحاظ سے بالغان کے گروہ میں شامل ہو گئے اور ان کی وجہ سے بھی کچھ زیادتی ہوئی ہوگی لیکن یہ درست نہیں کہ کوئی بچہ اطفال کے گروہ میں شامل نہیں ہوا۔صرف نکلے ہیں اور اس وجہ سے پیچھے رہ گئے۔اس واسطے اس طرف توجہ کرنے کی ضرورت ہے۔جماعت اس طرف توجہ کرے۔مجموعی طور پر تو قریباً کم و بیش ایک لاکھ کی زیادتی ہے۔لیکن جو آدمی دوڑ رہا ہو اس کا ہر قدم درست اٹھنا چاہیے۔ہر پہلو سے ہمیں آگے بڑھنا چاہیے اللہ تعالیٰ اس کی جماعت کو تو فیق عطا کرے۔ابھی جلسے کی کوفت دور نہیں ہوئی دعا کریں اللہ تعالیٰ صحت دے۔کام کے لحاظ سے جلسے کے بعد بھی دو تین ہفتے ( بعض دفعہ اس سے بھی زیادہ ) کام معمول سے زیادہ کام میں وقت گزرتا ہے۔کچھ دوست ٹھہرے ہوتے ہیں۔ملاقات کیلئے پھر جلسے کے دنوں میں بعض کام میں نہیں کر سکتا۔مثلاً ڈاک میں نے نہیں دیکھی دس بارہ دن کی۔جس کا مطلب ہے کہ کم از کم آٹھ دس ہزار خط ہوگا جوئیں اگلے ایک ہفتہ میں دیکھوں گا۔ہر روز خط آتے رہتے ہیں۔اللہ تعالی توفیق بھی دیتا رہتا ہے۔میں نہ کام سے گھبراتا ہوں نہ ڈرتا ہوں کہ نہیں ختم ہو گا۔کرتا ہوں ختم جس طرح بھی ہو۔لیکن یہ مجھے پتہ ہے کہ خدا تعالیٰ کے فضل کے بغیر میں اس قدر کام نہیں کر سکتا۔اور یہ بھی میں جانتا ہوں کہ خدا تعالیٰ کے فضل کو صرف دعا کے ذریعہ حاصل کیا جا سکتا ہے اور اس حقیقت پر بھی میں قائم ہوں کہ خلیفہ وقت کے ساتھ ساری جماعت کی دعائیں شامل ہونی