خطبات وقف جدید — Page 116
116 حضرت خلیفہ المسح الثالث دنیا کی وجاہتوں اس کے اقتدار اور عزتوں میں کوئی دلچسپی نہیں ہے۔ہمیں تو اللہ تعالیٰ کی محبت کے قیام میں دلچسپی ہے۔ہمیں تو قرآن کریم کی اشاعت میں دلچسپی ہے، ہمیں تو محمد رسول اللہ ﷺ کے اسوہ حسنہ کو، اس پیارے وجود کی محبت کو دنیا کے دلوں میں قائم کرنے سے محبت ہے۔دنیا کے ساتھ ہماری کوئی دلچپسی نہیں۔تو میں ہر میدان میں مجاہد بنیں“ کے الفاظ بول رہا ہوں جہاد کا لفظ نہیں بول رہا تا کوئی بیوقوف یا کوئی شرارتی اس فقرہ پر اعتراض نہ کرے۔جیسا کہ مجھے ابھی معلوم ہوا ہے کہ لجنہ اماءاللہ کے جلسہ میں صدر لجنہ اماءاللہ مرکزیہ نے جو تقریر کی تھی اس میں انھوں نے اس قسم کے مضمون کو بیان کر کے جہاد کا لفظ استعمال کیا تو اب بعض لوگ یہ تحقیق کر رہے ہیں کہ لجنہ اماءاللہ کی تحریک کا وہ کون سا حصہ ہے جو اس وقت ایٹم بم بنا رہا ہے۔لجنہ اماءاللہ اس دنیا کو تباہ کر رہی ہے حالانکہ ہم اس دنیا کو تباہ کرنے کے لئے پیدا ہی نہیں ہوئے۔ہم تو دنیا کو زندہ کرنے کے لئے پیدا ہوئے ہیں۔ہم تو مردہ روحوں کو جلا دینے کے لئے پیدا ہوئے ہیں۔ہم تو ان لوگوں کو جنھوں نے ابھی اپنی زندگی کا مقصد نہیں پایا ان راستوں کی نشان دہی کرنے کے لئے پیدا ہوئے ہیں کہ جو راستے انھیں خدا تعالیٰ کی رضا کی طرف لے جانے والے ہیں۔بہر حال جماعت احمدیہ کے لئے اشاعت اسلام کیلئے مجاہدہ اور قرآن کریم کی اشاعت کے لئے مجاہدہ کے بہت سے میدان ہیں اور ہر میدان کے لئے ہم ہر احمدی مرد اور عورت سے وقف کی قربانی مانگتے ہیں اور چاہتے ہیں کہ وہ ہمیں ہر میدان مجاہدہ میں کچھ ایسے فدائی اور جان نثار مہیا کریں جن کی اس وقت ہمیں ضرورت ہے اور جو خدا تعالیٰ کے لئے اور اس کے رسول علیہ کے لئے اپنی زندگیوں کو وقف کرنے ے کے والے ہوں۔یہ وقف کرنے والے آپ کی گودوں کے پالے ہیں۔آپ ان کو ایسے رنگ میں پالیں اور تربیت دیں کہ وہ میدانِ مجاہدہ میں بشاشت کے ساتھ ، میدانِ مجاہدہ میں بے نفسی کے ساتھ ، میدان مجاہدہ میں فدائیت اور ایثار کے ساتھ ، خدا تعالیٰ کی محبت کے جنون کے ساتھ کو دیں اور اسلام کے نام کو اکناف عالم تک پہنچانے کی جو مہم اللہ تعالیٰ نے شروع کی ہے اس کی کامیابی اور فتح کے دن اپنی کوششوں اور دعاؤں کے نتیجہ میں قریب سے قریب تر لاتے چلے جائیں۔غرض اپنے بچوں کو وقف جدید میں اٹھتی ماہوار دینے کی طرف بھی توجہ دلائیں۔بہتر یہی ہے کہ جو خرچ آپ انھیں دیں انھیں اس طرف متوجہ کریں اور مائل کریں اور اس کے لئے تیار کریں کہ وہ اپنے اس جیب خرچ میں سے اٹھنی ماہوار وقف جدید کے چندہ میں دیا کریں۔لیکن جیسا کہ میں نے اپنے کسی خطبہ میں یا اپنی کسی تقریر میں کہا تھا کہ اگر بعض گھرانے مالی یا اقتصادی لحاظ سے کمزور ہوں مثلاً آٹھ دس بچے ہوں اور ہر بچہ اٹھنی ماہوار نہ دے سکتا ہو تو صرف ایسے خاندانوں کو ثواب میں شامل کرنے کے لئے یہ اجازت دی