خطبات مسرور (جلد 4۔ 2006ء) — Page 99
خطبات مسرور جلد چهارم 99 خطبہ جمعہ 17 فروری 2006ء چاند کو گرہن لگا۔27-28-29 تاریخوں میں سے 28 تاریخ کو رمضان میں سورج کو گرہن لگا۔یہ آپ کی صداقت کی بڑی واضح دلیل ہے۔حضرت مسیح موعود علیہ الصلوۃ والسلام نے فرمایا ہے کہ میرے علاوہ اس وقت دعوی بھی کسی کا نہیں تھا۔بعض مولوی، قمر وغیرہ کی بحث میں پڑتے ہیں تو قمر تو بعض کے نزدیک دوسری رات کے بعد کا چاند اور بعض کے نزدیک تیسری رات کے بعد کا چاند کہلاتا ہے۔اب کوئی دکھائے کہ کیا تائید کے اس نشان سے پہلے حضرت مسیح موعود علیہ الصلوۃ والسلام کے علاوہ کوئی دعوی موجود تھا۔اگر دعوی ہے تو صرف ایک شخص کا ہے جو حضرت مرزا غلام احمد صاحب قادیانی علیہ السلام ہیں۔حضرت مسیح موعود علیہ السلام نے بڑا واضح فرمایا ہے کہ بے شمار علامتیں پوری ہو رہی ہیں۔اگر میں نہیں تو کوئی دوسرا آیا ہوا ہے تو دکھاؤ۔کیونکہ وقت بہر حال تقاضا کر رہا ہے۔لیکن یہ لوگ دکھا تو نہیں سکتے اس لئے حضرت مسیح موعود علیہ الصلوۃ والسلام ہی بچے دعوے دار ہیں کیونکہ زمینی اور آسمانی تائیدات آپ کے حق میں ہیں۔اللہ تعالیٰ کا بتایا ہوا معیار نبوت آپ کی تائید کر رہا ہے۔خود کچھ لوگ ماضی میں بھی تسلیم کر چکے ہیں کہ آپ پاک صاف شخصیت کے مالک تھے۔آپ کا ماضی بھی پاک تھا، آپ کی جوانی بھی پاک تھی۔علمی بھی تھے اور اسلام کی خدمت بھی آپ سے زیادہ کسی نے نہیں کی۔یہ غیروں نے بھی تسلیم کیا۔پھر سب کچھ دیکھنے کے بعد بھی اگر عقل پر پردے پڑے ہوئے ہیں تو ان کا اللہ ہی حافظ ہے۔کیونکہ کسی کو مانے کی توفیق بھی اللہ کے فضل سے ہی ملتی ہے۔حضرت مسیح موعود علیہ الصلوۃ والسلام فرماتے ہیں کہ: اب بتلاویں اگر یہ عاجز حق پر نہیں ہے تو پھر کون آیا جس نے اس چودھویں صدی کے سر پر مجدد ہونے کا ایسا دعویٰ کیا جیسا کہ اس عاجز نے۔کیا کوئی الہامی دعاوی کے ساتھ تمام مخالفوں کے مقابل پر ایسا کھڑا ہوا جیسا کہ یہ عاجز کھڑا ہوا۔تَفَكَّرُوْا وَتَنَدَّمُوا وَاتَّقُوا اللَّهَ وَلَا تَغْلُوا ، یعنی غور کرو، کچھ شرم کرو ، اللہ سے ڈرو کیوں بے حیائیوں میں آگے بڑھ رہے ہو۔اور اگر یہ عاجز مسیح موعود ہونے کے دعوی میں غلطی پر ہے تو آپ لوگ کچھ کوشش کریں کہ مسیح موعود جو آپ کے خیال میں ہے انہیں دنوں میں آسمان سے اتر آئے کیونکہ میں تو اس وقت موجود ہوں ، مگر جس کے انتظار میں آپ لوگ ہیں وہ موجود نہیں اور میرے دعوی کا ٹوٹنا صرف اسی صورت میں متصور ہے کہ اب وہ آسمان سے اتر ہی آوے تا میں ملزم ٹھہر سکوں۔یہ اس وقت آپ نے ساروں کو چیلنج دیا تھا۔آپ لوگ اگر سچ پر ہیں تو سب مل کر دعا کریں کہ مسیح ابن مریم جلد آسمان سے اتر تے دکھائی دیں۔اگر آپ حق پر ہیں تو یہ دعا قبول ہو جائے گی کیونکہ اہل حق کی دعا مبطلین کے مقابل پر قبول ہو جایا کرتی ہے۔یعنی جو بچے ہوں اس کی دعا جھوٹے کے مقابل kh5-030425