خطبات مسرور (جلد 3۔ 2005ء) — Page 57
خطبات مسرور جلد سوم 57 4 خطبہ جمعہ 14 فروری 2005ء آنحضرت صلی الہما علیم کی اللہ تعالی سے محبت، عبادت گزاری اور توحید خالص کے قیام کے لئے تڑپ خطبه جمعه فرموده 4 فروری 2005ء بمقام مسجد بیت الفتوح، مورڈن ،لندن (برطانیہ) تشہد وتعوذ اور سورۃ فاتحہ کی تلاوت کے بعد حضور انور نے فرمایا:۔حضرت محمد مصطفی صلی اللہ علیہ وسلم کو اللہ تعالیٰ نے اپنی خالص توحید کے قیام کے لئے دنیا میں مبعوث فرمایا تھا۔اور بچپن سے ہی اللہ تعالیٰ نے اپنی جناب سے ایسے انتظامات فرما دیئے کہ آپ کے دل کو صاف، پاک اور مصفی بنا دیا۔بچپن سے ہی اللہ تعالیٰ نے آپ کے اندر اپنی محبت اور شرک سے نفرت کا بیج بو دیا۔بلکہ پیدائش سے پہلے ہی آپ کی والدہ کو اُس نور کی خبر دے دی جس نے تمام دنیا میں پھیلنا تھا۔پھر دنیا نے دیکھا کہ یہ رویا جو حضرت آمنہ نے دیکھا تھا، کس طرح سچ ثابت ہوا۔اللہ تعالیٰ کی مکمل شریعت آپ پر اپنے وقت پر نازل ہوئی۔اور وہ نور دنیا میں ہر طرف پھیلا۔خدائے واحد کی محبت کا ایک جوش تھا جس نے آپ کی راتوں کی نیند اور دن کا چین وسکون چھین لیا تھا۔اگر کوئی تڑپ تھی تو صرف ایک کہ کس طرح دنیا ایک خدا کی عبادت کرنے لگ جائے ، اپنے پیدا کرنے والے خدا کو پہچاننے لگ جائے۔اس پیغام کو پہنچانے کے لئے آپ کو تکلیفیں بھی برداشت کرنا پڑیں، سختیاں بھی جھیلنی پڑیں۔لیکن یہ تختیاں ، یہ تکلیفیں آپ کو ایک خدا کی عبادت اور خدائے واحد کا پیغام پہنچانے سے نہ روک سکیں۔یہ خدائے واحد کے عبادت گزار بنانے کا کام جو آپ کے سپر د خدا تعالیٰ نے کیا تھا وہ آپ پر اللہ تعالیٰ کے احکامات اترنے کے بعد تو آپ نے انجام دینا ہی تھا لیکن جیسا کہ میں نے کہا آپ کا دل بچپن سے ہی