خطبات محمود (جلد 39) — Page 112
$1958 112 خطبات محمود جلد نمبر 39 ہوتی تھیں وہ بڑی سخت ہوتی تھیں اور وہی رسول کریم صلی اللہ علیہ وسلم کھایا کرتے تھے۔آج اُن کے طفیل ہمیں یہ ملائم آٹا ملا ہے مگر مجھے یہ خیال کر کے رونا آیا کہ جن کے طفیل ہمیں یہ نعمت ملی وہ تو اس دنیا میں نہ رہے اور ہمیں یہ چیز مل گئی۔حقیقتاً ہماری حالت بھی حضرت عائشہ جیسی ہی ہے۔اسلام کو دنیا میں پھیلانے کے خواب حضرت مسیح موعود علیہ السلام نے دیکھے تھے۔آپ کے اشتہارات اس بات سے بھرے پڑے ہیں کہ ہم نے یورپ اور امریکہ میں اسلام پھیلانا ہے لیکن آپ ساری عمر اپنے مخالفوں سے گالیاں کھاتے رہے بلکہ آپ کی وفات پر بھی لاہور والوں نے آپ کا مصنوعی جنازہ نکالا اور خوشیاں منائیں لیکن آپ کی وفات کے بعد اللہ تعالیٰ نے ہمیں وہ دن نصیب کیا کہ ہم یورپ اور امریکہ میں تبلیغ اسلام کرتی کے آپ کی خوابوں کو پورا کر رہے ہیں حالانکہ یہ سب کچھ انہی کے طفیل ہے اور ہمارا یہ کام آپ کی ہی دعاؤں اور تعلیم کا نتیجہ ہے۔آپ نے ہمیں قرآن کریم کی وہ تفسیر سکھائی جس کی وجہ سے آج سارے پادری کہتے ہیں کہ اسلام کی تعلیم کا کوئی مقابلہ نہیں کر سکتا۔یہ بالکل حضرت عائشہ والی مثال ہے کہ ملائم آٹا جن کے طفیل ملا وہ تو دنیا میں نہ رہے اور بعد میں آنے والوں نے اس سے فائدہ اُٹھایا۔ہم کو بھی اسلام کی اشاعت کی توفیق ملی مگر اُس وقت جب ہمارے ہاتھ میں یہ ہتھیار دینے والا اور اسلام کے غلبہ کی خواہیں دیکھنے والا اس دنیا میں نہیں ہے اب بھی ہماری خواہش یہی ہے کہ ہمارے ذریعہ اسلام اس طرح پھیلے اور اس طرح اس کی اشاعت ہو کہ ہم اسلام کی فتح کا جھنڈا قیامت کے روز آپ کے قدموں میں ڈال دیں اور کہیں اے مسیح موعود! یہ تیرے خوابوں کی تعبیر ہے، یہ تیری خواہشات کا ظہور ہے۔اس میں کوئی شبہ نہیں کہ اسلام پہلے بھی موجود تھا، قرآن پہلے بھی موجود تھا مگر کسی مسلمان کے دل میں کبھی یہ خیال پیدا نہ ہوا کہ اسلام دنیا پر غالب ہو۔تیرے ہی دل میں یہ خیال پیدا ہوا اور تو نے ہی ہمیں وہ تفسیر سکھائی جس کی وجہ سے ہم ہر جگہ غالب ہورہے ہیں۔یہ جھنڈا تیرا ہی ہے اس لیے ہم اسے تیرے ہی قدموں میں ڈالتے ہیں۔اب تیرا یہ منصب ہے کہ تو یہ جھنڈا محمد رسول اللہ صلی اللہ علیہ وسلم کے قدموں میں ڈال دے کیونکہ اسلام لانے والے محمد رسول اللہ صلی اللہ علیہ وسلم ہیں اور تیرے کی متعلق محمد رسول اللہ صلی اللہ علیہ وسلم نے ہی خبر دی تھی کہ تو دنیا میں آئے گا اور اسلام کو دنیا میں غالب کرے گا۔اس لیے تیری فتح محمد رسول اللہ صلی اللہ علیہ وسلم کی فتح ہے اور محمد رسول اللہ کی فتح کی