خطبات محمود (جلد 20) — Page 28
خطبات محمود ۲۸ سال ۱۹۳۹ء پس قادیان کے دوستوں کو بھی اور باہر والوں کو بھی میں پھر ایک دفعہ متوجہ کرتا ہوں کہ بہت تھوڑے دن باقی رہ گئے ہیں۔بعد میں بیسیوں لوگ خطوط لکھتے ہیں کہ ہم سے غلطی ہو گئی ، کی معاف کر دیں اور وعدہ قبول کر لیں۔حالانکہ جب ہم نے ایک قانون بنا دیا تو معافی کے کیا معنے ؟ پس جنہوں نے بعد میں معافی مانگنی ہے وہ ابھی ہوشیار ہو جا ئیں۔اس سال چونکہ اس سکیم کی پوری پوری وضاحت کر دی گئی ہے اس لئے آئندہ کوئی نیا وعدہ قبول نہیں کیا جائے گا۔سوائے اُن کے جو ثابت کر دیں گے کہ وہ نئے احمدی ہوئے ہیں یا بیکار تھے۔مثلاً کوئی اب طالبعلم ہے اور اگلے سال کام پر لگے یا جن کو اس تحریک کا پہلے علم نہیں ہوا تھا۔بیسیوں ایسے لوگ ہیں جو اس سال لکھتے ہیں کہ پہلے ہم نے حصہ نہیں لیا تھا مگر اب اس سکیم کی اہمیت ہم پر واضح ہو گئی ہے اس لئے شامل ہونا چاہتے ہیں۔اس سال تو میں نے ایسے لوگوں کو اجازت دے دی ہے مگر آئندہ سال نہیں دی جائے گی کیونکہ اب اس کی پوری کی وضاحت کر چکا ہوں۔سوائے ان کے جو ثابت کر دیں گے کہ وہ نئے احمدی ہوئے ہیں یا پہلے کوئی آمد نہ رکھتے تھے یا ان کو اس تحریک کا علم ہی نہیں ہوا ، ایسے لوگوں کے سوا کسی احمدی کا وعدہ قبول نہ کیا جائے گا۔خواہ وہ کتنی منتیں کیوں نہ کرے۔جو اس سال شامل ہوگا وہی آئندہ شامل ہو سکے گا کیونکہ وہی اس قابل ہے کہ اُس کا نام تاریخ میں محفوظ رہے۔پس یہ آخری اعلان ہے جس سے دوستوں کو پورا فائدہ اُٹھانا چاہئے۔ممکن ہے بعض جماعتوں کے سیکرٹری یا پریذیڈنٹ سستی کر رہے ہوں اور دوست سمجھتے ہوں کہ ہمارے وعدے پہنچ چکے ہیں۔دفتر کو چاہئے کہ ایسے مقامات پر کئی لوگوں کو اطلاع بھیج دے کہ ان کے وعدے تا حال نہیں پہنچے۔اور جن کو وعدوں کی منظوری کی اطلاع دفتر سے نہیں پہنچی ان کو بھی چاہئے کہ اچھی طرح اطمینان کر لیں۔ایسا نہ ہو کہ رہ جائیں۔ابھی وقت ہے کہ وہ اصلاح کرا لیں۔لیکن اگر انہوں نے نہ کرائی تو پھر یہ عذر نہیں سُنا جائے گا کہ ہم نے تو وعدہ بھیج دیا تھا سیکرٹری یا تج پریذیڈنٹ پر ذمہ داری ہے۔یہ تحریک چونکہ طوعی ہے اس لئے ہر فرد براہ راست ذمہ دار ہے۔پس ہر فرد کو یہ اچھی طرح یا درکھنا چاہئے کہ صرف انہی کے وعدے قبول کئے جائیں گے جو وقت پر پہنچا دیں گے۔اگر کسی جماعت کے سیکرٹری یا پریذیڈنٹ سستی کرتے ہیں تو دوستوں کو کی