خطبات محمود (جلد 20) — Page 131
خطبات محمود ۱۳۱ سال ۱۹۳۹ء مجھ پر ظاہر ہوئی ہے اُس کی طرف حضرت مسیح موعود علیہ الصلوۃ والسلام نے نہایت سادگی کے ساتھ صرف دولفظوں میں توجہ دلا دی تھی کیونکہ جب ہم نے ایک انجمن بنانے کا ارادہ کیا تو تی میں نے حضرت مسیح موعود علیہ الصلوۃ والسلام کی خدمت میں عرض کیا کہ اس کا کوئی نام تجویز فرما ئیں تو آپ نے اس انجمن کا نام تخمیذ الاذہان تجویز فرمایا یعنی ذہنوں کو تیز کرنا۔رسالہ تفخیذ الاذہان بعد میں اسی وجہ سے اس نام پر جاری ہوا کہ حضرت مسیح موعود علیہ الصلوۃ کی والسلام نے انجمن کا نام ” تفخیذ الاذہان رکھا تھا اور چونکہ اسی انجمن نے یہ رسالہ جاری کیا اس کی لئے اس کا نام بھی تفخیذ الا ذہان“ رکھ دیا گیا۔پس ہماری انجمن کا نام ہی حضرت مسیح موعود علیہ الصلوۃ والسلام نے تفخیذ الا ذہان“ رکھا تھا۔یعنی وہ انجمن جس کے ممبران کا یہ فرض ہے کہ وہ ذہنوں کو تیز کریں اور در حقیقت بچپن میں ہی ذہن تیز ہو سکتے ہیں اور میں سمجھتا ہوں کہ اس لحاظ سے بہت بڑی ذمہ داری اُستادوں پر کی عائد ہوتی ہے مگر افسوس ہے کہ ہم اپنے بچوں کے بہت سے اوقات کتابوں میں ضائع کر دیتے ہیں اور وہ حقیقی فائدہ جس سے قوم ترقی کرتی ہے اس کو بالکل نظر انداز کر دیتے ہیں۔حالانکہ ہمارا فرض ہے کہ ہماری کھیلیں اس رنگ کی ہوں جن سے ہمارے ذہن تیز ہوں ، ہماری تعلیم اس رنگ کی ہو جس سے ہمارے ذہن تیز ہوں ، ہماری انجمنوں کے کام اس رنگ کے ہوں جن سے ہمارے ذہن تیز ہوں اور یہ چیز علم سے بھی مقدم ہونی چاہئے کیونکہ تھوڑے علم سے انسان کی نجات پاسکتا ہے لیکن ذہن کے گند ہونے کی وجہ سے خواہ انسان کے پاس کتنا بڑا علم ہونجات سے محروم رہ جاتا ہے۔ہم یورپین قوموں کو دیکھتے ہیں ایک لمبے تجربہ کی وجہ سے اُن میں ذہانت کا نہایت بلند معیار قائم ہے حالانکہ وہ شراب نوش قو میں ہیں، وہ سُور کھاتی ہیں مگر باوجود شراب نوش اور مُردار خوار ہونے کے اُن کے ذہن نہایت تیز ہوتے ہیں کیونکہ ایک وسیع تجربہ نے اُن کے دماغوں میں نہایت صفائی پیدا کر دی ہے۔پچھلے دنوں جب جنگ کا خطرہ پیدا ہوا تو انگریز مد برین نے ہر طرح کی کوشش کر کے اس جنگ کور و کا مگر جیسا کہ بعد میں معلوم ہو ا اس کی وجہ یہ نہیں تھی کہ وہ لڑائی میں کودنا پسند نہیں کرتے تھے