خطبات محمود (جلد 18) — Page 350
خطبات محمود ۳۵۰ سال ۱۹۳۷ء تعداد بھی زیادہ تھی مگر پھر بھی وہ رسول کریم ﷺ کی حکومت سے باہر نہیں جا سکتے تھے اور نہ آپ کی غلامی سے وہ ایک لمحہ کیلئے بھی الگ ہو سکتے تھے۔کیونکہ یہ کام ان کا نہیں ، محمد ﷺ کا کام تھا۔آج لڑائیوں میں لوگ کثرت سے تو ہیں چلاتے ہیں مگر کیا تم اُس انجینئر کو زیادہ قابلِ اعزاز سمجھتے ہو جس نے آج سے سو سال پہلے توپ ایجاد کی یا آجکل کے تو ہیں بنانے والوں کو زیادہ معزز سمجھتے ہی ہو۔اُس زمانہ میں بڑے سے بڑے گولے چھ پونڈ یا دس پونڈ کے ہوا کرتے تھے مگر آجکل کے کارخانے ان سے بہت بڑی بڑی تو ہیں بناتے ہیں۔مگر باوجود اس تمام ترقی کے یہ کارخانے چلانے والے اُس انجینئرز سے زیادہ معزز نہیں سمجھے جا سکتے جس نے توپ ایجاد کی کیونکہ اُس نے ایک نیا خیال پیدا کیا اور کی ایک نئی ایجاد کے راستہ پر لوگوں کو ڈال دیا جس پر دنیا آخر ترقی کرتی چلی گئی۔اسی طرح ابتدائے اسلام میں وہ سپاہی جنہوں نے دنیا فتح کی وہ محمد ﷺ نے پیدا کئے تھے۔وہ حضرت ابوبکر اور حضرت عمرؓ نے پیدا نہیں کئے تھے۔ہاں حضرت عمرؓ کے زمانہ میں چونکہ زیادہ علاقے فتح ہو چکے تھے اس لئے انہوں نے پہلے سپاہیوں کے رنگ میں اور سپاہی بھی تیار کر لئے اور ان کی مدد سے کئی علاقے فتح کر لئے مگر بہر حال یہ تمام فتوحات عمر کی نہیں بلکہ رسول کریم ﷺ کی تھیں۔پس شا گرددنیا میں جو کام بھی کرتے ہیں وہ ان کے آقا کی طرف منسوب ہوتا ہے اور وہ سخت احمق شاگرد ہوگا جو یہ کہے گا کہ اس کا کام اس کے آقا سے بڑا ہے یا اس کی بڑائی کے دعوئی سے یہ مراد ہے کہ وہ اپنے آقا سے بھی درجہ میں بڑھ گیا ہے۔حضرت مسیح موعود علیہ الصلوۃ والسلام کے زمانہ میں بیرونِ ہند میں سوائے افغانستان کے اور کہیں تبلیغ احمدیت نہیں تھی۔عرب اور ایران میں اگے دُگے احمدی تھے۔مگر میرے زمانہ میں قریباً ساری دنیا اور سارے بر اعظموں میں احمدیت کی تبلیغ ہوئی ہے ، یورپ کے مختلف علاقوں میں تبلیغ ہوئی ہے افریقہ کے مختلف علاقوں میں تبلیغ ہوئی ہے۔اسی طرح چین، سماٹرا، جاوا اور امریکہ میں نئی جماعتیں قائم کی ہوئی ہیں اور پھر پہلے سے بہت زیادہ مصر، فلسطین اور شام کے حصوں میں احمدیت پھیل چکی ہے۔مگر کیا اس کے یہ معنے لئے جائیں گے کہ ( نَعُوذُ باللہ) میرا درجہ حضرت مسیح موعود علیہ الصلوۃ والسلام سے بڑا ہے؟ آخر وہ کیا چیز تھی جس سے میں نے یورپ کے لوگوں کو مسلمان بنایا اور کیا وہ میری چیز تھی ؟ پھر وہ کیا چیز تھی جس سے میں نے امریکہ کے لوگوں کو مسلمان کیا اور کیا وہ چیز میری ایجاد کردہ تھی ؟ پھر وہ کیا چیز تھی جس سے میں نے سماٹرا اور جاوا کے لوگوں کو مسلمان کیا اور انہیں رسول کریم اللہ کی غلامی میں حقیقی اول