خطبات محمود (جلد 11) — Page 191
خطبات محمود 191 سال 1927ء نہیں کی گئی۔بلکہ آج سے بہت عرصہ پہلے سے یہ ناپاک فعل عمل میں لایا جا رہا ہے۔کہا جاتا ہے۔میر قاسم علی صاحب نے انیسویں صدی کا مرثی کے نام سے جو کتاب شائع کی اس کی وجہ سے رنگیلا رسول لکھا گیا جو انیسویں صدی کے مرثی کا جواب ہے۔اس طرح یہ ظاہر کیا جاتا ہے کہ فتنہ کی ابتدا مسلمانوں نے کی اور مسلمانوں نے ہندوؤں کو بھڑکایا۔لیکن یہ قطعاً غلط ہے۔اسلام کے خلاف نیا سلسلہ کتابوں کا شدھی کی تحریک کے ساتھ شروع ہوا۔ان دنوں میر صاحب کی کتاب سے پہلے کئی گندی کتابیں اور رسالے۔اسلام۔اسلام کے خدا اور رسول کے متعلق آریوں کی طرف سے شائع کئے گئے۔پس ”رنگیلا رسول ” انیسویں صدی کے مرشی " کے جواب میں نہیں لکھی گئی بلکہ انیسویں صدی کا مرشی " ان کتابوں رسالوں اور ٹریکٹوں کے جواب میں شائع کی گئی جو آریوں نے اسلام کے خلاف شائع کئے اور جن میں نہایت ناپاک اور گندی گالیاں دیں۔پھر وہ ان گندے الزامات کے جواب میں ہے جو شدھی کے میدان میں اسلام پر لگائے گئے۔جس گندے پیرائے میں اور جس خطرناک رنگ میں ملکانہ کے علاقہ میں اسلام کو پیش کیا جاتا تھا۔اور بانی اسلام پر جس طرح گندے الزامات لگائے جاتے تھے وہ چاہتا تھا کہ آریوں کو جواب دئیے جائیں۔پس اگر ایک ایسے شخص نے جس کے مذہب پر اور جس کے ہادی پر ایسے گندے اعتراضات کئے گئے۔پتھر کے مقابلہ میں پتھر سے جواب دیا۔تو ہر گز کسی آریہ کا حق نہیں کہ یہ کیے۔”رنگیلا رسول" انیسویں صدی کے مرثی کے جواب میں لکھی گئی۔بلکہ ہمارا حق ہے کہ ہم کہیں " انیسویں صدی کا مهری ان کتابوں اور ان رسالوں کے جواب میں لکھی گئی جو ملکانوں میں آریوں نے شائع کئے۔اور ان تقریروں کے جواب میں لکھی گئی جو اسلام کے خلاف ہر جگہ آریوں کی طرف سے کی جاتی ہیں۔اور ان حملوں کا جواب ہے جو اسلام کی مقدس ہستیوں پر کئے جاتے ہیں۔پس یہ بالکل غلط اور جھوٹ ہے کہ ابتدا مسلمانوں کی طرف سے ہوئی۔موجودہ فتنہ میں بھی ابتدا آریوں کی طرف سے ہی ہوئی۔اور کوئی شخص اس سے انکار نہیں کر سکتا کہ اس جھگڑے سے پہلے ایک رنگ میں مذہبی امن قائم ہو گیا تھا جب کہ ہندو مسلمان مشترکہ طور پر سیاسی میدان میں کود پڑے تھے۔ہندو مسلمان ایک دوسرے کو بھائی بھائی کہنے لگ گئے تھے۔اس وجہ سے اک دوسرے کے خلاف مذہبی گالیاں بند ہو گئی تھیں۔اور وہ پہلی جنگ جو رولٹ ایکٹ سے پہلے جاری تھی ختم ہو چکی تھی۔پھرنئی جنگ شروع ہوئی جس کی ابتدا آریوں کی طرف سے مالکانوں کے علاقہ میں کی گئی۔ان کے اعتراضوں کے جواب بعض مسلمانوں نے دیئے لیکن پھر بھی اگر دیکھا جائے تو آریوں کی دو کتابوں کے مقابلہ میں