کافر کون؟ — Page 383
383 پندرھویں ترمیم کی رو سے آرٹیکل 2۔الف کے بعد حسب ذیل نیا آرٹیکل شامل کر دیا گیا۔2۔ب قرآن وسنت کی برتری (اس کے جزو (۱) میں مندرج ہے ) (۱) قرآن پاک اور پیغمبر پا می لی ایم کی سنت پاکستان کا اعلیٰ ترین قانون ہو گا۔تشریح کسی مسلمان فرقے کے پرسنل لاء پر اس شق کے اطلاق میں قرآن وسنت کی عبادت کا مفہوم وہی ہوگا جو اس فرقے کی طرف سے توضیح شدہ قرآن وسنت کا ہے۔میں اپنی گزارشات کے دستور کے مجوزہ آرٹیکل 2۔ب کی شق (۱) تک محدود رکھوں گا۔بڑے ادب کے ساتھ میرا پہلا سوال یہ ہے کہ یہ تشریح یعنی قرآن و سنت کے احکام کی تشریح کا یہ طریق کار قرآن پاک کی کس نص، حکم یا احکام سے ماخوذ ہے۔یہ تشریح Propose کرتی ہے کہ اسلام کچھ فرقوں پر مشتمل ہے یا فرقے ، اسلام کا جزولاینفک ہیں اور ان سب کے اپنے اپنے پرسنل لاز ہیں۔یعنی ان کی اپنی اپنی ذیلی شریعتیں ہیں جو یقینی طور پر ایک دوسرے سے مختلف بلکہ اکثر متضاد ہیں۔اسی لئے ان کے درمیان جھگڑے رہتے ہیں اس تشریح کی رو سے احکام خداوندی کو پابند کیا جا رہا ہے کہ جب وہ ایک فرقے کے ہاں جائیں تو ان کا ایک مفہوم ہو اور دوسرے فرقے کے ہاں جا کر قرآن وسنت کے احکام کا مفہوم اس کی ذیلی شریعت کے مطابق دوسرا ہو۔یوں نعوذ باللہ قرآن وسنت کے احکام کو فرقوں کی ذیلی شریعتوں کے تابع کر دیا گیا ہے۔امت کو کاٹ ڈالا کافر بنا بنا کر اسلام ہے فقیہو! بہت ممنون احسان تمہارا جماعت احمدیہ سے ظالمانہ سلوک کر کے ہم اپنا تو کچھ بگاڑ سکتے ہیں ان کا نہیں۔