اسلام میں توہین رسالت ؐ کرنے والے کی سزا — Page 47
47 ایسا اشتعال رکھتا ہے کہ اگر ممکن ہو تو اس کو نابود کر دیوے اور اس تمام نا اتفاقی کی جڑ مذہبی مباحثات کی بے اعتدالی ہے۔گورنمنٹ اپنی رعایا کے لئے بطور معلم کے ہے۔پھر اگر رعایا ایک دوسرے سے درندہ کا حکم رکھتی ہو تو گورنمنٹ کا فرض ہے کہ قانونی حکمت عملی سے اس درندگی کو دور کر دے۔چوتھی یہ کہ اہل اسلام گورنمنٹ کی وہ وفادار رعا یہ ہے جن کی دلی خیر خواہی روز بروز ترقی پر ہے اور اپنے جان و مال سے گورنمنٹ کی اطاعت کے لئے حاضر ہے۔اور اس کی مہر بانیوں پر بھروسہ رکھتے ہیں اور۔کوئی بات خلاف مرضی گورنمنٹ کرنا نہایت بیجا خیال کرتے ہیں اور دل سے گورنمنٹ کے مطیع ہیں۔پس اس صورت میں ان کا حق بھی ہے کہ دردناک فریاد کی طرف گورنمنٹ عالیہ توجہ کرے۔پھر یہ درخواست بھی کوئی ایسی درخواست نہیں جس کا صرف مسلمانوں کوفائدہ پہنچتا ہے اور دوسروں کو نہیں۔بلکہ ہر یک قوم اس فائدہ میں شریک ہے۔اور یہ کام ایسا ہے جس سے ملک میں صلح کاری اور امن پیدا ہوگا اور مقدمات کم ہوتے ہیں اور بد نثیت لوگوں کا منہ بند ہو جاتا ہے۔اور جیسا کہ بیان کیا گیا ہے اس کا اثر مسلمانوں سے خاص نہیں ہر یک قوم پر اس کا برا براثر ہے۔آخر ہم دعا کرتے ہیں کہ خدا تعالیٰ ہماری اس گورنمنٹ کو ہمیشہ کے اقبال کے ساتھ ہمارے سروں پر خوش و خرم رکھے اور ہمیں سچی شکر گزاری کی توفیق دے۔اور ہماری محسن گورنمنٹ کو اس مخلصانہ اور عاجزانہ درخواست کی طرف توجہ دے کہ بریک توفیق اسی کے ارادہ اور حکم سے ہے۔آمین الملتمسين اہل اسلام رعایا گورنمنٹ جن کے نام علیحدہ نقشوں میں درج ہیں۔