اسلام کی کتب (چوتھی کتاب) — Page 39
39 مقام تھا اور یہ خیال بھی نہیں ہوسکتا تھا کہ کوئی قوم اس پر حملہ کر کے آئے گی۔اور پھر یہ بھی بات تھی کہ مکہ کے جانور دُور دُور تک چرتے تھے۔اگر کوئی لشکر آتا تو ممکن نہ تھا کہ جانور چرانے والے اُس سے غافل رہیں۔اور دوڑ کر لوگوں کو خبر نہ دیں۔مگر باوجود اس کے کہ یہ بات ناممکن تھی سب لوگوں نے کہا کہ "ہم آپ کی بات ضرور مان لیں گے۔کیونکہ آپ کبھی جھوٹ نہیں بولتے۔" آپ نے فرمایا کہ جب تم گواہی دیتے ہو کہ میں کبھی جھوٹ نہیں بولتا۔تو میں تم کو بتا تا ہوں کہ خدا تعالیٰ نے مجھے اس لئے مبعوث فرمایا ہے کہ میں اُس کا پیغام تم کو پہنچاؤں۔اور سمجھاؤں کہ جو کام تم کرتے ہواُس کا نتیجہ اچھا نہیں ہوگا۔یہ بات سنتے ہیں لوگ بھاگ گئے اور کہا کہ یہ شخص پاگل ہو گیا ہے یا جھوٹا ہے۔اور تمام شہر میں شور پڑ گیا۔جو لوگ آپ پر ایمان لائے تھے اُن پر نہایت سختیاں ہونے لگیں۔بھائی نے بھائی کو چھوڑ دیا۔ماں باپ نے بچوں کو نکال دیا۔آقاؤں نے نوکروں کو ڈکھ دینا شروع کیا۔چودہ چودہ ، پندرہ پندرہ سالہ نوجوانوں کو جو کسی رسم و رواج کے یابند نہ تھے بلکہ مذہب کی تحقیق میں اپنی معقل سے کام لیتے تھے اور اسی لئے جلد آپ پر ایمان لے آتے تھے، ان کے ماں باپ قید کر دیتے اور کھانا اور پانی دینا بند کر دیتے تا کہ وہ توبہ کرلیں۔مگر وہ ذرہ بھی پروانہ کرتے تھے۔اور بخشنگ ہونٹوں اور گڑ ہوں میں گھسی ہوئی آنکھوں سے اللہ تعالی کی عبادت میں مشغول