مجموعہ اشتہارات (جلد 2) — Page 564
مجموعہ اشتہارات ۵۶۴ جلد دوم جس کو زبانوں سے کچلا گیا ہے دیکھ ! میں تیری جناب میں عاجزانہ ہاتھ اُٹھاتا ہوں کہ تو ایسا ہی کر۔اگر میں تیرے حضور میں سچا ہوں اور جیسا کہ خیال کیا گیا ہے کافر اور کا ذب نہیں ہوں تو ان تین سال میں جو خیر دسمبر ۱۹۰۲ ء تک ختم ہو جائیں گے کوئی ایسا نشان دکھلا جو انسانی ہاتھوں سے بالاتر ہو جبکہ تو نے مجھے مخاطب کر کے کہا کہ میں تیری ہر ایک دعا قبول کروں گا مگر شرکاء کے بارے میں نہیں تبھی سے میری روح دعاؤں کی طرف دوڑتی ہے اور میں نے اپنے لئے یہ قطعی فیصلہ کر لیا ہے کہ اگر میری یہ دُعا قبول نہ ہو تو میں ایسا ہی مردود اور ملعون اور کافر اور بیدین اور خائن ہوں جیسا کہ مجھے سمجھا گیا ہے۔اگر میں تیرا مقبول ہوں تو میرے لئے آسمان سے ان تین برسوں کے اندر گواہی دے تا ملک میں امن اور صلح کاری پھیلے اور تالوگ یقین کریں کہ تو موجود ہے اور دعاؤں کو سننا اور جوان کی طرف جھکتے ہیں جھکتا ہے۔اب تیری طرف اور تیرے فیصلہ کی طرف ہر روز میری آنکھ رہے گی جب تک آسمان سے تیری نصرت نازل ہو اور میں کسی مخالف کو اس اشتہار میں مخاطب نہیں کرتا اور نہ اُن کو کسی مقابلہ کے لئے بلاتا ہوں۔یہ میری دعا تیری ہی جناب میں ہے کیونکہ تیری نظر سے کوئی صادق یا کا ذب غائب نہیں ہے میری روح گوہی دیتی ہے کہ تو صادق کو ضائع نہیں کرتا اور کا ذب تیری جناب میں کبھی عزت نہیں پاسکتا اور وہ جو کہتے ہیں کہ کاذب بھی نبیوں کی طرح تحر ی کرتے ہیں۔اور اُن کی تائید اور نصرت بھی ایسی ہی ہوتی ہے۔جیسا کہ راست باز نبیوں کی۔وہ جھوٹے ہیں اور چاہتے ہیں کہ نبوت کے سلسلہ کو مشتبہ کر دیں۔بلکہ تیرا قہر تلوار کی طرح مفتری پر پڑتا ہے۔اور تیرے غضب کی بجلی کذاب کو بھسم کر دیتی ہے مگر صادق تیرے حضور میں زندگی اور عزت پاتے ہیں۔تیری نصرت اور تائید اور تیرا فضل اور رحمت ہمیشہ ہمارے شامل حال رہے۔آمین ثم آمین۔المشتـ ـهر مرزا غلام احمد از قادیاں۔۵/ نومبر ۱۸۹۹ء تعداد ۳۰۰۰ مطبوعہ ضیاء الاسلام پر لیس قادیان (ضمیمہ تریاق القلوب نمبر ۵۔روحانی خزائن جلد ۵ صفحه ۵۰۷ تا ۵۱۲ )