ابنِ سلطانُ القلم — Page ii
ابن سلطان القلم اللہ تعالیٰ جزائے خیر عطا فرمائے مکرم و محترم میر انجسم پرویز صاحب مربی سلسلہ لندن کو کہ انھوں نے حضرت صاحبزادہ مرزا سلطان احمد صاحب کے بارہ میں اپنی زیر تالیف بہت ہی گراں قدر کتاب " ابن سلطان القلم "مجھے پڑھنے کے لیے دی اور اس کتاب نے تو گویا میری حضرت صاحبزادہ مرزا سلطان احمد صاحب سے ایک طرح کی ملاقات کر وادی ہے۔فجزاہ اللہ تعالی احسن الجزاء۔اس سے قبل ان کے بارہ میں اس قدر معلومات اور کوائف میرے علم میں نہ تھے۔میں نے اس کتاب کا مسودہ بالاستیعاب پڑھا ہے۔اللہ تعالیٰ کے فضل سے یہ تالیف بہت دلچسپ، جامع ، مفید اور تاریخی معلومات سے بھر پور ہے۔یہ تالیف کیا ہے، گویا ماضی میں ایک علمی اور تحقیقی سفر ہے جو بہت سے غیر معروف حقائق اور پوشید ہ واقعات کی دنیا میں لے جاتا ہے۔فاضل مؤلف نے بڑی محنت شاقہ سے اس بکھرے ہوئے قیمتی مواد کو اکٹھا کیا ہے اور ایسا مجموعہ مرتب کیا ہے جس سے جماعتی لٹریچر میں بیش قیمت اضافہ ہو گا۔تاریخ احمدیت سے متعلق بہت سے نامعلوم یا غیر معروف حالات وواقعات اس تالیف میں بہت خوبصورتی سے مستند انداز میں باحوالہ درج کیے گئے ہیں۔اس کے علاوہ حضرت صاحبزادہ مرزا سلطان احمد صاحب کی کتب اور مضامین کی حتی الامکان جامع فہرست بھی اس کتاب میں شامل ہے اور اس دور کے اخبارات ور سائل میں جو تبصرے ان کے بارہ میں شائع ہوئے ان کو بھی بڑی محنت سے یکجا کر دیا گیا ہے۔اللہ تعالیٰ فاضل مؤلف کو اس تحقیقی تالیف کی جز اعطا فرمائے اور اس کتاب کا مطالعہ قارئین کے لیے ازدیاد علم و عرفان کا موجب بنائے ، آمین۔خاکسار عطاء المجیب را شد امام مسجد فضل لندن و مبلغ انچارج بریطانیہ