حیات ناصر ۔ جلد اوّل — Page 655
605 حضرت خلیفۃ المسیح الثالث" کی متفرق تحریکات وعده سالانہ اجتماع انصار اللہ مرکز یہ ربوہ کے موقع پر اکتوبر ۱۹۶۸ء میں حضرت خلیفہ۔المسیح الثالث نے سورۃ النور کی آیات ۵۶٬۵۵ کی تلاوت فرما کر فرمایا :۔" اللہ تعالیٰ نے ان آیات میں اللہ کی اطاعت اور رسول کی اطاعت کا حکم دیا ہے اور بتایا ہے کہ رسول اکرم می امی کی صرف یہ ذمہ داری ہے کہ وہ کھول کر الہی احکام اور شریعت کے ارشادات کو دنیا کے سامنے پیش کریں اور مومنوں کی یہ ذمہ داری ہے کہ وہ ان احکام کی بجا آوری میں اطاعت کاملہ کا نمونہ دکھلا دیں۔اور اللہ تعالیٰ نے یہ دیا کہ اگر تم کامل اطاعت کا نمونہ دکھلاؤ گے تو ان راہوں کی طرف تمہیں ہدایت دی جائے گی جن پر چل کر اللہ تعالیٰ کی رضا حاصل کی جا سکتی ہے اور یہ بھی وعدہ دیا گیا کہ اگر کامل اطاعت کا نمونہ دکھاؤ گے تو اللہ تعالیٰ تمہاری بشری کمزوریوں کے پیش نظر خلافت حقہ کا نظام تم میں جاری کرے گا اور ایسے لوگ پیدا ہوتے رہیں گے جن کا تعلق پختہ اور کامل طور پر اپنے رب سے ہو گا۔وہ اپنے اور تمہارے رب کے منشاء کے مطابق تمہاری رہنمائی کرتے رہیں گے اور تمہیں سہارا دیتے رہیں گے۔تمہاری غفلتوں ، بستیوں اور کوتاہیوں کو دور کرنے کی کوشش کرتے رہیں گے اور ان اعمال کی طرف رہنمائی کرتے رہیں گے جو حالات حاضرہ کا تقاضا ہوں۔لہ چنانچہ خدا تعالٰی کے منشاء کے عین مطابق حضرت خلیفۃ المسیح الثالث رحمہ اللہ ان اعمال کی طرف جماعت کی رہنمائی فرماتے رہے جو حالات حاضرہ کے متقاضی تھے اور