حیاتِ نور — Page 572
۵۶۷ اور کام نہیں ایسی باتوں میں لگے رہتے ہیں۔ایک تو وہ ہیں جو قلعے فتح کرتے ہیں۔اور ایک یہ ہیں۔کیا کوئی خلافت کے کام میں روک ہے؟ تیسری بات یہ ہے کہ بعض لوگوں کا خیال ہے اور وہ میرے دوست کہلاتے ہیں اور میرے دوست ہیں۔وہ کہتے ہیں کہ خلافت کے کام میں روک لاہور کے لوگ ڈالتے ہیں۔میں نے قرآن کریم اور حدیث کو استاد سے پڑھا ہے اور میں دل سے انہیں مانتا ہوں۔میرے دل میں قرآن اور حدیث کی محبت بھری ہوئی ہے۔سیرۃ کی کتابیں ہزاروں روپیہ خرچ کر کے لیتا ہوں۔ان کو پڑھنے سے معلوم ہوتا ہے اور یہی میرا ایمان ہے کہ جب اللہ تعالیٰ کسی کام کو کرنا چاہتا ہے تو کوئی اس کو روک نہیں سکتا۔" آدم اور داؤد کا خلیفہ ہوتا میں نے پہلے بیان کیا۔اور پھر اپنی سرکار کے خلیفہ ابوبکر اور عمر رضی اللہ عنہما کا ذکر کیا اور یہ بھی بتایا کہ جس طرح ابو بکر اور عمر خلیفہ ہوئے رضی اللہ عنہا۔اسی طرح پر خدا تعالٰی نے مجھے مرزا صاحب کے بعد خلیفہ کیا۔اب اور سنو ! ثُمَّ جَعَلْنَاكُمْ خَلَائِفَ فِي الْأَرْضِ تم سب کو بھی زمین میں اللہ تعالیٰ نے ہی خلیفہ کیا۔یہ خلافت اور رنگ کی ہے۔پس جب خلیفہ بنانا اللہ تعالی ہی کا کام ہے۔تو کسی اور کی کیا طاقت ہے کہ اس کے کام میں روک ڈالے۔لاہور میراگھر نہیں۔میراگھر بھیرہ میں تھا۔یا اب قادیان میں ہے۔میں تمہیں بتاتا ہوں کہ لاہور کا کوئی آدمی نہ میرے امر خلافت میں روک بنا ہے نہ بن سکتا ہے۔پس تم ان پر بدظنی نہ کرو۔۔۔۔اگر مان لیا ہے تو شکر کرو اور نہیں تو صبر کی دوا موجود ہے۔میں باوجود اس بیماری کے جو مجھے کھڑا ہونا تکلیف دیتا ہے۔اس موقعہ کو دیکھ کر سمجھاتا ہوں کہ خلافت کیسری کی دکان کا سوڈا واٹر نہیں (جو سہل الحصول ہو۔ناقل ) تم اس بکھیڑے سے کچھ فائدہ نہیں اٹھا سکتے۔نہ تم کو کسی نے خلیفہ بنانا ہے اور نہ میری زندگی میں کوئی اور بن سکتا ہے۔میں جب مرجاؤں گا ـور