حیاتِ بقاپوری — Page 235
حیات بقاپوری 235 ۲۶۔غسل میت :۔سوال ہوا کہ طاعون زدہ کے غسل کیو اسطے کیا حکم ہے؟ فرمایا۔مومن طاعون سے مرتا ہے تو وہ شہید ہے شہید کے واسطے غسل کی ضرورت نہیں۔۲۷۔کفن: سوال ہوا کہ کفن پہنایا جائے یا نہیں؟ ( بدر ۱۴ اپریل ۱۹۰۷ء) فرمایا۔شہید کے واسطے کفن کی ضرورت نہیں۔وہ انہی کپڑوں میں دفن کیا جائے۔ہاں اس پر ایک سفید چادر ڈالدی جائے تو حرج نہیں۔( بدر ۱۴ اپریل ۱۹۰۷ء) ۲۸۔اسم اعظم :- ایک شخص کا سوال حضرت اقدس کی خدمت میں پیش ہوا۔کہ قرآن شریف میں اسم اعظم کو نسا لفظ ہے۔فرمایا اسم اعظم اللہ ہے۔( بدر ۴ اپریل ء) ۲۹۔خواب کا پورا کرنا:۔ایک دوست نے حضرت کی خدمت میں اپنی بیوی کا خواب لکھا کہ:۔کسی شخص نے خواب میں میری بیوی کو کہا کہ تمہارے بیٹے پر بڑا بوجھ ہے۔اُس پر سے صدقہ اتارو۔اور ایسا کرو کہ چنے بھگو کر مٹی کے برتن میں رکھ کر اور لڑکے کے بدن کا کرتہ اُتار کر اس میں باندھ کر رات سوتے وقت سرہانے چار پائی کے نیچے رکھ دو۔اور ساتھ چراغ جلا دو۔صبح کسی غیر کے ہاتھ اٹھوا کر چورا ہے میں رکھ دو۔یہ خواب لکھ کر حضرت سے دریافت کیا کہ کیا جائز ہے کہ ہم خواب اسی طرح پورا کر لیں۔جواب میں حضور نے تحریر فرمایا کہ جائز ہے کہ اس طرح کریں اور خواب کو پورا کریں۔