حیاتِ احمد (حیاتِ احمد۔ جلد سوم) — Page 23
حیات احمد ۲۳ جلد سوم کی زندگی کیلئے موت تک دریغ نہیں کروں گا۔اور ان کیلئے خدا تعالیٰ سے وہ روحانی طاقت چاہوں گا جس کا اثر برقی مادہ کی طرح ان کے تمام وجود میں دوڑ جائے اور میں یقین رکھتا ہوں کہ ان کے لئے کہ جو داخل سلسلہ ہو کر صبر سے منتظر رہیں گے ایسا ہی ہوگا کیونکہ خدا تعالیٰ نے اس گروہ کو اپنا جلال ظاہر کرنے کے لئے اور اپنی قدرت دکھانے کے لئے پیدا کرنا اور پھر ترقی دینا چاہا ہے تا دنیا میں محبت الہی اور تو بہ نصوح اور پاکیزگی اور حقیقی نیکی اور صلاحیت اور بنی نوع کی ہمدردی کو پھیلا دے۔سو یہ گروہ اس کا ایک خالص گروہ ہوگا اور وہ انہیں آپ اپنی روح سے قوت دے گا۔اور انہیں گندی زیست سے صاف کرے گا اور ان کی زندگی میں ایک پاک تبدیلی بخشے گا۔وہ جیسا کہ اس نے اپنی پاک پیشن گویوں میں وعدہ فرمایا ہے اس گروہ کو بہت بڑھائے گا اور ہزار ہا صادقین کو اس میں داخل کرے گا وہ خود اس کی آبپاشی کرے گا اور اس کو نشو ونما دے گا یہاں تک کہ ان کی کثرت اور برکت نظروں میں عجیب ہو جائے گی اور وہ اس چراغ کی طرح جو اونچی جگہ رکھا جاتا ہے دنیا کی چاروں طرف اپنی روشنی کو پھیلائیں گے اور اسلامی برکات کے لئے بطور نمونہ کے ٹھہریں گے۔وہ اس سلسلہ کے کامل متبعین کو ہر ایک قسم کی برکت سے دوسرے سلسلہ والوں پر غلبہ دے گا اور ہمیشہ قیامت تک اُن میں سے ایسے لوگ پیدا ہوتے رہیں گے جن کو قبولیت اور نصرت دی جائے گی۔اس رب جلیل نے یہی چاہا ہے وہ قادر ہے جو چاہتا ہے کرتا ہے۔ہر یک طاقت اور قدرت اسی کو ہے۔فَالْحَمْدُ لَهُ اَوَّلًا وَاحِرًا ظَاهِرًا وَّ بَاطِئًا - أَسْلَمْنَالَهُ هُوَ مَوْلَانَا فِي الدُّنْيَا وَالْآخِرَةِ - نِعْمَ الْمَوْلَى وَنِعْمَ النَّصِيرُ - خاک غلام احمد سار لود یا نہ محلہ جدید متصل مکان اخی مکرمی منشی حاجی احمد جان صاحب مرحوم و مغفور ۴ / مارچ ۱۸۸۹ء ۲۶۳۰ ( مطبوعہ ریاض ہند امرتسر ) یہ اشتہار کے چار صفحوں پر ہے ) ( مجموعہ اشتہارات جلد ا صفحه ۱۶۲ تا ۶۶ ۱ بار دوم )