حیاتِ احمد (حیاتِ احمد۔ جلد دوم) — Page 424
حیات احمد ۴۲۴ جلد دوم حصہ سوم ساہوکاران و دیگر ہند و صاحبان قادیان کا خط بنام مرزا صاحب مخدوم ومکرم مرزا غلام احمد صاحب سلمه بعد ما وجب بکمال ادب عرض کی جاتی ہے کہ جس حالت میں آپ نے لنڈن اور امریکہ تک اس مضمون کے رجسٹری شدہ خط بھیجے ہیں کہ جو طالب صادق ہو اور ایک برس تک ہمارے پاس قادیان میں ٹھہرے تو خدا تعالیٰ اس کو ایسے نشان درباره اثبات حقیقت ضرور دکھائے گا کہ جو طاقت انسانی سے بالا تر ہوں۔سو ہم لوگ جو آپ کے ہمسایہ اور ہم شہری ہیں۔لندن اور امریکہ والوں سے زیادہ تر حقدار ہیں اور ہم آپ کی خدمت میں قسمیہ بیان کرتے ہیں جو ہم طالب صادق ہیں کسی قسم کا شر اور عناد جو بمقتضائے نفسانیت یا مغائرت مذہب نا اہلوں کے دلوں میں ہوتا ہے وہ ہمارے دلوں میں ہر گز نہیں ہے۔اور نہ ہم بعض نا منصف مخالفوں کی طرح آپ سے یہ درخواست کرتے ہیں کہ ہم صرف ایسے نشانوں کو قبول کریں گے جو اس قسم کے ہوں کہ ستارے اور سورج اور چاند پارہ پارہ ہو کر زمین پر گر جائیں۔یا ایک سورج کی بجائے تین سورج اور ایک چاند کی جگہ دو چاند ہو جائیں۔یاز مین ٹکڑے ٹکڑے ہو کر آسمان سے جا لگے یہ باتیں بلاشہ ضدیت اور تعصب سے ہیں نہ حق جوئی کی راہ سے لیکن ہم لوگ ایسے نشانوں پر کفایت کرتے ہیں جن میں زمین و آسمان کے زیروزبر کرنے کی حاجت نہیں اور نہ قوانین قدرتیہ کے توڑنے کی کچھ ضرورت۔ہاں ایسے نشان ضرور چاہیں جو انسانی طاقتوں سے بالاتر ہوں جن سے یہ معلوم ہو سکے کہ وہ سچا اور پاک پر میشر بوجہ آپ کی راستبازی دینی کے عین محبت اور کر پا کی راہ سے آپ کی دعاؤں کو قبول کر لیتا ہے اور قبولیت دعا سے قبل از وقوع اطلاع بخشتا ہے یا آپ کو