ہستی باری تعالیٰ — Page 128
۱۲۸ کیا خدا کی کوئی صورت شکل ہے؟ خدا تعالیٰ کے متعلق یہ سوال بھی پیدا ہوتا ہے کہ کیا اس کی کوئی صورت شکل بھی ہے اس کا جواب اسلام یہ دیتا ہے کہ اس کی کوئی صورت شکل نہیں۔صورت کے یہ معنی ہوتے ہیں کہ ایک جسم ہے جو مختلف حصے رکھتا ہے اور ہر ایک حصہ کی ایک حد بندی ہے مگر خداسب حد بندیوں اور سب تقسیموں سے پاک ہے اس لئے اس کی کوئی صورت نہیں ہو سکتی صورت صرف مادی اشیاء کے لئے ہوتی ہے بلکہ ان میں سے بھی کثیف مادی اشیاء کی۔خدا کوئی جسم نہیں رکھتا بلکہ جسموں اور مادے کا خالق ہے۔حدیث میں خدا کی صورت بتانے کا کیا مطلب ہے؟ اس بیان پر سوال ہو سکتا ہے کہ بعض حدیثوں سے معلوم ہوتا ہے کہ خدا کی صورت ہے ان احادیث کا کیا مطلب ہے؟ چنانچہ ایک حدیث میں آتا ہے کہ ایک دن رسول کریم صلی اللہ علیہ وسلم باہر نکلے اور آپ نے دیکھا کہ ایک شخص اپنے غلام کو مار رہا ہے۔اس پر آپ نے فرما یا اِنَّ اللهَ خَلَقَ آدَمَ عَلَى صُورَتِهِ ( مسند احمد بن حنبل جلد ۲ صفحه ۲۴۴ ۲۵۱، ۳۱۵) کہ آدم کو خدا نے اپنی صورت پر بنایا۔پس چاہئے کہ اس کی صورت کا ادب اور احترام کرو۔اس سے معلوم ہوا کہ خدا کی صورت ہے ورنہ رسول کریم صلی اللہ علیہ وسلم کیوں فرماتے کہ آدم کو خدا نے اپنی صورت پر پیدا کیا ہے تم اس کی صورت کا ادب اور احترام کرو۔یا د رکھنا چاہئے کہ رسول کریم صلی اللہ علیہ وسلم کے اس ارشاد کے دو معنی