دُعائے مستجاب — Page 123
دعائے مستجاب۔کے بعد زندہ رہا تو آپ بے شک اعتراض کریں لیکن جب تک یہ تین دن ختم نہیں ہوتے۔میری مہمانی بھی ختم نہیں ہوسکتی۔اسی طرح میں نے کئی دفعہ سنایا ہے کہ حضرت مسیح موعود علیہ السلام کو آخری عمر میں ایک دفعہ سخت کھانسی ہوئی۔یہ کھانسی اتنی شدید تھی کہ ڈاکٹر عبد الحکیم خاں پٹیالوی نے اخبارات میں اس کا ذکر پڑھ کر شائع کر دیا کہ مجھے الہام ہوا ہے۔مرزا صاحب کو سل ہو گئی ہے۔میں ہی آپ کو دوائی پلایا کرتا تھا اور میں سمجھا کرتا تھا کہ آپ کی بیماری کے معاملات میں مجھے دخل دینے کا حق ہے۔ایک دفعہ آپ لیٹے ہوئے تھے کہ آپ کو کھانسی کا سخت دورہ اٹھا۔میں نے آپ کو دوائی پلائی۔ابھی میں دوائی پلا کر ہٹا ہی تھا کہ کوئی دوست پھلوں کی ایک ٹوکری دے گئے جس میں کیلے بھی تھے۔کیلا نزلہ اور کھانسی پیدا کرتا ہے۔حضرت مسیح موعود علیہ السلام نے ہماری والدہ صاحبہ سے پوچھا کہ کھانسی میں کیلا کھانا کیسا ہوتا ہے۔والدہ صاحبہ کہنے لگیں کہ کیلا کھانے سے نزلہ بڑھ جاتا ہے پھر مجھ سے پوچھا اور فرمایا کہ کھانسی میں کیلا کھانا کیسا ہوتا ہے۔میں نے کہا شدید مضر ہوتا ہے۔یہ پوچھ کر آپ نے فرمایا : ٹوکری ادھر کرو۔میں نے ٹوکری آپ کی طرف کی تو آپ نے ایک کیلا اُٹھایا اور چھلکا اُتارا کر اُسے کھانا شروع کر دیا۔میں نے یہ دیکھتے ہی شور مچانا شروع کر دیا کہ آپ یہ کیا کر رہے ہیں۔ابھی آپ کو کھانسی کا شدید دورہ ہوا ہے اور کیلا کھانسی میں سخت مضر ہوتا ہے۔آپ میری باتیں سن کر۔123