دینی معلومات کا بنیادی نصاب برائے انصاراللہ — Page 186
186 اہم سیاسی مسئلہ کے بارے میں آپ نے مسلمانان ہند کی رہنمائی کی اور بیش قیمت مشوروں کے علاوہ دامے درمے ہر طرح ان کی امداد کی۔کئی مرتبہ اپنے سیاسی مشوروں کو کتابی شکل میں شائع کر کے ملک کے تمام سر بر آوردہ اشخاص تک نیز ترجمہ کے ذریعہ ممبران برٹش پارلیمنٹ اور برٹش کیبنٹ تک پہنچایا۔تقسیم ملک کے وقت جہاں آپ نے مسلمانوں کی حفاظت اور بہبود کے لئے مقدور بھر کوششیں کیں وہاں اپنی جماعت کے لئے ۱۹۴۸ء میں ربوہ جیسے بے آب و گیاہ علاقہ میں ایک فعال مرکز قائم کیا۔جہاں سے الحمد للہ تبلیغ ( دین حق ) کی مہم پورے زور سے پروان چڑھ رہی ہے۔ایک بنجر اور شور زدہ علاقہ میں بے سرو سامانی کے باوجود ایک پر رونق بستی کا آباد کر دینا خود اپنی ذات میں ایک بڑا کارنامہ ہے۔یہ بستی نہ صرف تبلیغ (دین حق ) کا اہم ترین مرکز ہے بلکہ ملک میں علم کی ترقی اور ترویج کا بھی ایک ممتاز سنٹر ہے اس کے علاوہ کھیلوں کے میدان میں بھی قابل ذکر کر دار ادا کر رہی ہے۔آپ نے تاریخ اسلام کے واقعات کو بہتر رنگ میں سمجھنے اور یا درکھنے کیلئے ہجری شمسی سن جاری فرمایا۔۱۰۔آپ نے متعدد والیان ریاست اور سربراہان مملکت کو تبلیغی خطوط ارسال کئے اور انہیں احمدیت یعنی حقیقی (دین حق ) سے روشناس کرایا۔ان