دینی نصاب — Page 223
بارہ برس کی عمر میں آپ نے اپنے شفیق چا ابوطالب کے ساتھ شام کا پہلا سفر کیا۔آپ لکھنا پڑھنا نہیں جانتے تھے تاہم کاروبار کے طور طریقوں سے خوب واقف ہو گئے۔بچپن سے ہی آپ کی طبیعت میں نیکی ، پاکیزگی، دیانت اور امانت اور خوش خلقی پائی جاتی تھی۔لین دین کے کھرے اور سچائی کے پابند تھے۔اسی وجہ سے آپ صادق اور امین کہلاتے تھے۔انہی پاکیزہ خصائل کی وجہ سے مکہ کی ایک مالدار بیوہ حضرت خدیجہ نے آپ سے شادی کر لی۔اس شادی کے وقت آنحضور کی عمر پچیس برس اور حضرت خدیجہ کی چالیس سال تھی۔حضرت خدیجہ کی اولا د میں حضرت فاطمہ سب سے زیادہ مشہور ہیں۔آنحضرت کی بعثت : حضرت خدیجہ سے نکاح کے بعد حضور فارغ البال ہو گئے۔آپ اپنی دولت غریبوں مسکینوں اور محتاجوں کی اعانت میں صرف کیا کرتے۔اپنے فراغت کے اوقات عبادت اور ذکر الہی میں صرف کیا کرتے۔مکہ کے قریب ایک پہاڑی کی کھوہ تھی جسے غارِ حرا کہتے ہیں۔آپ اکثر وہاں جا کر تنہائی میں عبادت کرتے اور کئی کئی دن تک وہاں ذکر الہی اور دعاؤں میں مصروف رہتے۔جب آنحضور چالیس سال کی عمر کو پہنچے تو تاج رسالت سر پر رکھا گیا اور رمضان کے مبارک مہینہ میں وحی رسالت سے آپ سرفراز کئے گئے۔سب سے پہلی وحی جو آپ پر نازل ہوئی وہ یہ افر أباسْمِ رَبِّكَ الَّذِي خَلَقَ تھی:۔جب حکم ملا کہ خاندان اور قوم کو بت پرستی سے روکیں تو آنحضور نے خاموشی سے تبلیغ شروع کی۔تین سال بعد اعلانیہ تبلیغ شروع ہوگئی اور آپ نے پہلے مکہ والوں کو تو حید کا پیغام پہنچایا۔اس کا نتیجہ یہ ہوا کہ جو لوگ مسلمان ہو جاتے ان پر کفار سختیاں کرنے لگتے۔خود آنحضرت صلی اللہ علیہ وسلم کو ہرقسم کی ایذائیں دی گئیں حتی کہ آپ کو اپنے خاندان سمیت تین سال تک ایک گھائی 223